frizure, polissure, grandeur, couleur, odeur, vertus, faculté pour couurir & armer couilles : Exceptez moy les horrificques couilles de Lorraine[1], les quelles à bride auallée descendent au fond des chausses, abhorrent le mannoir des braguettes haultaines : & sont hors toute methode : tesmoing Viardiere le noble Valentin, lequel vn premier iour de May, pour plus guorgias estre, ie trouuay à Nancy, descrotant ses couilles extendues sur vne table comme vne cappe à l’Hespaignole. Doncques ne fauldra dorenauant dire, qui ne vouldra improprement parler, quand on enuoyra le franc taulpin en guerre, Saulue Teuot le pot au vin[2], c’est le cruon. Il fault dire, Saulue Teuot le pot au laict, ce sont les couilles : de par tous les diables d’enfer. La teste perdue, ne perist que la persone : les couilles perdues, periroit toute l’humaine nature. C’est ce que meut le gualant Cl. Galen[3], lib. I. de spermate[4], à brauement conclure, que mieulx (c’est à dire moindre mal) seroit, poinct de cœur n’auoir, que poinct n’auoir de genitoires. Car là consiste comme en vn sacre repositoire le germe conseruatif de l’humain lignage. Et croieroys pour moins de cent francs, que ce sont les propres pierres, moyenans les quelles Deucalion & Pyrrha restituerent le genre humain aboly par le deluge Poëtique. C’est ce qui meut me vaillant Iustinian lib. 4. de cagotis tollendis[5], à mettre summum bonum in braguibus & braguetis[6].
Pour ceste & aultres causes le seigneur de Meruille essayant quelque iour vn harnoys neuf, pour suyure son Roy en guerre (car du sien antique & demy rouillé plus bien seruir ne pouoit, à cause que depuys certaines années la peau de son ventre s’estoit beaucoup esloingnée des roignons) sa femme
- ↑ Couilles de Lorraine. Voyez ci-dessus, p. 163, la note sur la l. 21 de la p. 221.*
- ↑ Le pot au vin. Voyez ci-dessus, p. 92, la note sur la ligne 26 de la p. 38.*
- ↑ Le gualant… Galen. Jeu de mots.
- ↑ Lib. I. de ſpermate. « Liv. I, sur le sperme. »
- ↑ De cagotis tollendis. Voyez ci-dessus, p. 186, la note sur la ligne 34 de la p. 250.*
- ↑ « Le souverain bien dans les braies et braguettes. »
