Rondeaux (Christine de Pisan)/XIV
XIV
M’amour, mon bien, ma dame, ma princepse[1]
Tresmontaine, qui a bon port m’adrece,
Dequanque j’ay, souveraine maistresse,
Estes dame et confort de ma leesce.[2]
Je vous doy bien appeller ma deesse,
Mon doulz espoir, mon mur, ma forteresse,[3]
M’amour, mon bien, ma dame, ma princesse.[1]
Car si belle ne fut oncques Lucrece,[4]
Ne prisiée tant Pénélope en Grece,[5]
Semiramis vous passez en noblece,
Si vous doy bien dire, par grant humblece,[6]
M’amour, mon bien, ma dame, ma princesse.[1]