Rondeaux (Christine de Pisan)/XIII

Christine de Pisan

C’est grand bien que de ces amours

Rondeaux, Texte établi par Maurice Roy, Firmin Didot, 1886 (p. 154-155).

XIII

C’est grant bien que de ces amours,^[1]
Qui miracles font si appertes
Que maintes dames font appertes^[2]

Qui ja aloient en decours.

Ilz garissent, de commun cours,
De plus grans maulz que fièvres quartes,
C’est grant bien que de ses amours.

N’il n’est si vieulx, soit longs ou cours,
S’il en est bien ferus acertes,
Qu’il ne lui semble tout de certes
Qu’il prendroit bien le lièvre au cours ;
C’est grant bien que de ses amours.

1. XIII. — 1 A ses a.
2. — 3 B Qui