Rondeaux (Christine de Pisan)/XII
XII
Pour ce que je suis longtains
De vous, belle, que tant aims,
A nulle joye n’attains,
Ains est mon bien tout estains.
Ou pais aux tremontains[1]
Mon cuer est de doulour tains,[2]
Pour ce que je suis longtains.
Regretant voz biens haultains
Je mourray, j’en suis certains ;
Car je seray desert ains
Que cy m’ait joye ratains,[3]
Pour ce que je suis longtains.