Recueil général et complet des fabliaux des 13e et 14e siècles/XLVIII

Le Dit de la Gageure

Anonyme

Le Dit de la Gageure

Recueil général et complet des fabliaux des XIII^e et XIV^e siècles, Texte établi par Anatole de Montaiglon et Gaston Raynaud, Librairie des Bibliophiles, 1877, Tome II (p. 193-196).

XLVIII

LE DIT DE LA GAGEURE

British Museum, Man. Harleien, n^o 2253
f^o 118 r^o.^[1]

1
Une fable vueil comencer,
Que je oy l’autr’er counter,
De l’Esquier e la^[2] Chaunbrere
Que comence en ytiel^[3] manere :
5Un chevaler jadis estoit
Que une trés bele femme avoit ;
Ele^[4] n’amoit pas soun lygnage ;
De ce ne fist ele que sage.
Son frere estoit son esquier ;
10Si ly servy de tiel mestier
Come à bon^[5] esquier apent,
E la dame tout^[6] ensement
Avoit une sue cosyne
Qe molt estoit gente meschyne ;
15E l’esquyer la daunoa,
E de molt fyn cuer l’ama^[7].
Mès^[8] avynt issi par un jour
L’esquier^[9] la requist d’amour,
E cele à sa dame tost^[10] counte
20Que^[11] l’esquier requist sa hounte.

E dit la dame : « Savez bien
Qu’il vus ayme sur tote rien ?
— Oïl, certes, ma douce^[12] dame ;
Ce me jure il toudis^[13] par s’aime.
25— Or arere, fille^[14], tost va,
E ditez vostre amour ne avéra,
Quar vus ne poez bien^[15] saver
Qu’il vus ayme de cuer enter,
S’ il^[16] ne vus feïst une rien.
30Et de ce vus asseurist bien,
Vo^[17] cul beiser premerement,
Si que ne sache pas la gent ;
Et, quant avéra toun cul beisé,
De toi fera^[18] sa volenté,
35E puis me dirrez la verte^[19]
Quant il vus avéra ce graunté. »
La pucelle n’a^[20] oblié ;
A l’esquier est repeyré
Que ele^[21] li dit tot son talent.
40La pucele dit erralment
Que ne^[22] puet crere ne quider
Que il^[23] l’ayme de cuer enter ;
Pur ce, s’il^[24] velt s’amour aver,
S’il li covent son cul beyser,
45Et se ensi privéement^[25]
Ne soit^[26] aparsu de la gent,
« Quar de ce n’avérez ja blame.
— Molt^[27] volenters, » fet il, « par m’alme !
Or tost terme me i^[28] metez.
50— Tantost, » fet el^[29], « si vus volez,

Là sus en icel grant^[30] jardyn ;
Desouz le perer Jahenyn
Alez, e ilec^[31] m’atendez :
Je y vendroi, se bien^[32] sachez. »
55Li esquier^[33] avant ala,
E la pucele retorna
A sa dame ; si l’a countee,
Que molt ad joie démenée,
A l’esquier la envoia,
60Et à soun seigneur meisme^[34] ala,
Ou bele chere, ou bel semblant :
« Sire, » fet el^[29], « venez avaunt ;
Si verrez pur voir^[35] vostre frere
Beyser le cul de^[36] ma chaunbrere !
65— Certes, » dit il, « je ne quid raie
Qu’il fereit^[37] tiele vyleynie.
— Si fera il^[38], par seint Martyn ;
Ce mettroi un tonel de vyn, »
La gagure ount il^[39] affermee
70E as fenestres sunt alee.
La damoisele se est venue
A l’esquier, que la salue ;
Yl leve sus les dras derer,
Puis pensout si à bon mester
75Li esquier^[33] à soun voler
De l’affere ne voelt^[40] failler.
Yl sake avaunt un^[41] bon bordoun,
Si l’a donné en my le coun,
Un gros vit et long^[42] et quarré,
80Si l’ a^[43] en my le coun donné ;

Ensi à ly^[44] de ces bras l’afferma
Ne^[45] poeit gwenchir sa ne là.
Et la dame ly escria
E hastivement li^[46] parla
85Ou grosse voiz e longe aieyne :
« Gwenchez, gwenchez^[47], gwenchez, puteyne ;
Trestresse^[48], Dieu te doint mal fyn !
J’ay perdu le tonel de vyn. »
E ly sire dist^[49] en riaunt :
90« Tien tei, leres, je te comaunt,
Frapez la bien e vistement ;
Je te comaund hardiement.
De lower averez, seint^[50] Thomas,
Un cheval qe vaudra dis mars !
95Dame^[51], or me diez par amour,
Ay je gayné le wagour ?
Vus^[52] ne fetez mie que sage
De haier ceux de mon^[53] lynage,
Depus qe je molt^[54] tendrement
100Aym les vostres^[55] entierement. »
Et^[56] le prodhome fist son frere
Esposer icele^[57] chaunbrere ;
E de^[58] pus après ycel jour,
Ama la dame^[59] par tendrour
105Ceux que soun seigneur bien^[60] ama,
E molt de cuer les honora.
De la Chaunbrere et l’Esquier
Ne est^[61] ore plus à treter.

---

1. XLVIII. — Le Dit de la Gageure, p. 193.

   Publié par Sir Francis Palgrave, Londres, 1818, in-4^o, et par M. Fr. Michel, Paris, Silvestre, 1850, in-8^o.

   
   
2. Vers 3 — * De l’esquier e la ; ms., De un esquier e une.
3. 4 — * ytiel ; ms., ytiele.
4. 7 — * Ele ; ms., Mès ele.
5. 11 — « bon » manque au ms.
6. 12 — « tout » manque au ms.
7. 16 — la ama, lisez l’ama. — Il faut corriger autrement ce vers.
8. 17 — « Mès » manque au ms.
9. 18 — * L’esquier ; ms., Que l’esquier.
10. 19 — « tost » manque au ms.
11. 20 — * Que ; ms., Coment.
12. 23 — « douce » manque au ms.
13. 24 — « toudis » manque au ms.
14. 25 — « fille » manque au ms.
15. 27 — « bien » manque au ms.
16. 29 — * S’il ; ms., Se il.
17. 31 — * Vo ; ms., Vostre.
18. 34 — * fera ; ms., fra.
19. 35 — * verte ; ms., verité.
20. 37 — * n’a ; ms., ne s’est.
21. 39 — « ele » manque au ms.
22. 41 — Que ne ; ms., Que ele ne.
23. 42 — * Que il ; ms., Qu’il.
24. 43 — * s’il ; ms., si il.
25. 45 — * ensi privéement ; ms., si privément.
26. 46 — * Ne soit ; ms., Qu’il ne soit.
27. 48 — « Molt » manque au ms.
28. 49 — « i » manque au ms.
29. 50 et 62 — * el ; ms., ele.
30. 51 — * icel grant ; ms., cel.
31. 53 — * ilec ; ms., ileque.
32. 54 — « bien » manque au ms.
33. 55 et 75 — Li esquier ; ms., L’esquier.
34. 60 — * meisme ; ms., meismes.
35. 63 — « pur voir » manque au ms.
36. 64 — « de » manque au ms.
37. 66 — * fereit ; ms., freit.
38. 67 — * fera il ; ms., frez.
39. 69 — « il » manque au ms.
40. 76 — * l’affere ne voelt ; ms., son affere ne voldra.
41. 77 — « un » manque au ms.
42. 79 — * et long ; ms., long.
43. 80 — * l’a ; ms., ly a.
44. 81 — * Ensi à ly ; ms., Si l’a ensi à li.
45. 82 — * Ne ; ms., Qu’ele ne.
46. 84 — * li ; ms., à li.
47. 86 — * Gwenchez, gwenchez ; ms., Gwenchez, tres tresse.
48. 87 — * Trestresse ; ms., Gwenchez.
49. 89 — * dist ; ms., ly dist.
50. 93 — * seint ; ms., par seint.
51. 95 — * Dame ; ms., Or, dame.
52. 97 — * Vus ; ms., E dame, vus.
53. 98 — * de mon ; ms., qe sunt de mon.
54. 99 — « molt » manque au ms.
55. 100 — * vostres ; ms., vos.
56. 101 — « Et » manque au ms.
57. 102 — * icele ; ms., cele.
58. 103 — « de » manque au ms.
59. 104 — * Ama la dame ; ms., La dame ama.
60. 105 — « bien » manque au ms.
61. 108 — * Ne est ; ms., N’est.