Recueil général et complet des fabliaux des 13e et 14e siècles/XLIII

De l’Oustillement au Villain

Anonyme

De l’Oustillement au Villain

Recueil général et complet des fabliaux des XIII^e et XIV^e siècles, Texte établi par Anatole de Montaiglon et Gaston Raynaud, Librairie des Bibliophiles, 1877, Tome II (p. 148-156).

XLIII

DE L’OUSTILLEMENT

AU VILLAIN

Bibl. nat., Man. Fr., n^o 837 (anc. 7218),
fol. 119 v^o à 121 r^o.^[1]

1
Homme qui se marie
Moult par fet^[2] grant folie ;
S’il n’est si^[3] estorez
Et de pain^[4] et de blez
5Et de fuerre et de paille
Que nule rien n’i faille,
Tost en est assotez
Et de la gent blasmez.
Li prestres del^[5] moustier
10Li^[6] demaine dangier ;
Si voisin ensement^[7]
En parolent savent^[8].
Se de plege^[9] a mestier,
Nus ne li veut aidier,
15Et, se il n’a que prendre^[10],
Tant a il mains^[11] à rendre.
Si le plege à envis
Li granz et li petis,
Et, se il se corouce
20Et sa fame regrouce,

Maudient l’assamblée^[12] ;
Or^[13] sont à la meslée.
Si^[14] venist miex, ce croi,
Que chascuns fustpar soi.
25Or vous vueil aconter
Com se doit estorer
Homme^[15] qui fame prent.
Sachiez tout vraiement^[16]
Qu’il^[17] li covient meson,
30Et bordel et buiron ;
En l’un mete son grain^[18]
Et en l’autre son fain,
Et en la tierce maingne.
Que riens ne li soufraingne,
35Si li covient fouier^[19]
Et la busche el^[20] buchier,
Et le bacon au feste ;
S’en menjust à la feste.
Si n’envoit^[21] mie au vin,
40Mès chascun jor matin
Envoit^[22] à la fontaine
Por une buire^[23] plaine ;
De cele boive^[24] assez
Qu’il ne soit enyvrez ;
45Tost est d’avoir delivre^[25]
Home qui trop s’enyvre.
Se li covient les^[26] feves
Et les chois et les reves^[27],
Et aus et porions.
50Et civos et oingnons,

Et la^[28] cuve à baingnier,
Charrete à charrier^[29]
Et sele charretiere,
Et forrel et dossiere,
55Trais et avaléoire,
Panel^[30] et menéoire,
Crameillie de fer
Et craisset^[31] en yver.
Se li covient trepier^[32],
60Et paiele et andier,
Et le pot et la louce
Où la^[33] purée grouce,
Le graïl et le croc
A trere de son pot
65La char, quant ele^[34] ert quite,
Qu’il ne s’arde ne cuise,
Tenailles et soufiet
A fere son fouet.
Mortier et molinel,
70Et pilete et pestel.
Se li covient coingnie
Trenchant et enmanchie,
Doléoire et cisel
Esmolu de novel,
75Besague d’acier^[35],
Tarere por percier.
Fers à fere mortoise
Et en pierre et en boise,
La lingne et le compas.
80Ice n’est^[36] mie gas,

Et se li covient roisne
Et canivet et foisne^[37],
Et engin à peschier^[38],
Et au col^[39] le panier
85A metre^[40] son poisson,
Quant il en a foison.
Puis^[41] le covient armer,
Por sa^[42] terre garder,
Coterele et hiaumet^[43],
90Maçuele^[44] et gibet,
Arc et lance et espée^[45],
Se vient à la meslée^[46] ;
Au chevès soit^[47] couchie
L’espée enrœillie
95Qu’il n’ait soing d’estoutie^[48]
Ne d’esmovoir^[49] folie ;
Tost est .I. homme^[50] mort,
Soit^[51] à droit, soit à tort,
Par une saietele^[52] ;
100Tele oevre^[53] n’est pas bele
Par petite achoison^[54],
Ce nous dit la reson.
Si^[55] ait son viez escu
A la^[56] paroit pendu,
105Por ce, se il n’est bel
Acesmez^[57] de novel,
N’est il mie mains durs,
De ce sui toz seürs ;
A son col le doit pendre
110Por sa^[58] terre desfendre.

Mès^[59] gart qu’il ne soit mie
Devant à l’escremie,
Quar il feroit que fols^[60],
S’il ert^[61] aus premiers cops ;
115Tels vient aus primerains,
S’il ert des^[62] daarrains
Qu’il n’i perdist jà^[63] rien ;
De ce savons nous bien^[64].
Toz jors soit en porpens
120De revenir par tens,
S’il^[65] puet, à sa meson,
Et si ait son gaignon
Si afetié et duit
Que il n’abait par nuit
125Se il ne set por qoi,
Ainçois se tiengne qoi^[66].
Et se^[67] li covient huches,
Et corbeillons et cruches^[68].
Le chat aus soris prendre
130Por les huches desfendre.
Et le banc el fouier^[69]
Et la table^[70] à mengier.
Se li covient en haut
Le chasier sus le baus
135Aus frommages garder,
Et l’eschiele à monter,
Trepier^[71] et chauderon
A brasser son boillon.
Quant ce revient^[72] au tens
140En Quaresme ès Avens

Et si reface en Mars
Assez cueillir des hars
A la charrue joindre ;
L’aguillon au buef^[73] poindre
145N’i^[74] doit estre oubliez,
Et port, comme senez^[75],
Par^[76] derrier son crepon,
Ou sarpe ou^[77] faucillon
A ses hars detrenchier.
150Se il en a mestier,
Besche ou hache d’acier^[78]
Aus busches esracier ;
Tout traie^[79] à gaaignage,
Si fera moult que sage.
155Et si li covient herche^[80],
La civiere et la fesche,
Le sarcel enhanter
Por les chardons oster.
Se^[81] li covient faucille.
160Et alesne et estrille,
Coutel à pain taillier,
Et la jarce d’acier^[82],
La keus et le fuisil
A aguisier l’ostil,
165Les aguilles poingnanz^[83]
Et les forces trenchanz^[84],
Sollers et estivaus^[85].
Et chauces et housiaus,
Cotele et sorcotel^[86],
170Chaperon et chapel^[87]

Corroie et couteliere,
Et borse et aumosniere^[88],
Et moufles bien cuiries,
De novel afeties,
175A espines cueillir
Por son Seignor servir
Por^[89] fere heriçon
Tout entor sa meson.
Puis ait pendu au laz
180Le trible^[90] et le saaz,
Chaelit à gesir,
Et la met à pestrir^[91].
Se li covient le four
Et les forchons^[92] entour ;
185S’il a la barbe uslée,
N’en face jà posnée,
Mès soit de bele here^[93]
Et face bele chiere,
Quar bon est le mestier
190Où l’on puet gaaignier.
Se li covient sauniere^[93],
A son feu par derrière
Toraille à brais sechier^[94].
Ne li doit anoier
195De lui bien^[95] estorer,
Quar il en doit prester
A son voisin sovent,
Se besoing le sorprent,
Les pilons et la pile,
200Nel tenez pas à guile^[96],

Le sac et le boissel,
Le van et le rastel^[97],
Picois, coingnie et pele^[98].
Se la mesons est tele,
205A il de plus mestier
A son Seignor aidier^[99] ?
Oil, par le mien chief.
Encore i a plus grief,
Quar^[100], se il ne l’avoit,
210Querre li covendroit
Hanas et escueles,
Et platiaus et foisseles,
Granz gates et menues ;
Por ce, s’el sont fendues.
215Ne les get en puer mie^[101],
Quar ce seroit folie^[102].
Le bers face devant,
Ainz que naisse^[103] l’enfant,
Doit il estre tout plain
220De drapiaus et d’estrain,
Et, se ce est vallet,
Se li quiere .I. auget^[104]
Por baingnier estendu^[105].
Si est ainçois creü,
225Et, se c’est baisselete^[106],
Se li quiere minete^[107].
Si sera miex fornie,
Quar ce^[108] est la mestrie.
Et, se il bien li plaist^[109].
230Si porchast, que il ait^[110]

Viaus, une vache à lait^[111],
Qu’il nel mete en delait^[109]
A l’enfant alaitier,
Quant il en a^[112] mestier ;
235Quar, se saouls n’estoit,
Toute nuit^[113] ploerroit,
Si toudroit le dormir,
Quant s’iroient^[114] gesir
Toz ceus de la meson^[115]
240D’entor et d’environ,
Et l’endemain l’ouvraingne^[116] ;
Ice n’est pas gaaingne^[117].
Por ce di je souvent
Et faz sermonement
245Que li fol se^[118] chastient
Quant li sage lor^[119] dient :
Homme^[120] qui fame prent,
S’il n’a estorement,
N’est ja tenuz por sage^[121]
250A poissant ne à large ;
Quar, se il n’a que prendre.
Tant a il mains à rendre.
N’a garde de larron
Qu’il li brist^[122] sa meson.
255Ne que par nul^[123] engien
Li toille nule rien.
Por ce n’ai je que fere
De nule rien atrere.

Explicit de l’Estillement au Villain

---

1. XLIII. — De l’Oustillement au villain, p. 148.

   A. — Paris, Bibl. nat., Mss. fr. 837, fol. 119 v^o à 121 r^o.

   B. — Paris,» Bibl. nat.,» Mss. fr.»1593, fol. 212 r^o à 213 v^o.

   
   

   Publié d’après le ms. A, par Monmerqué, Paris, Silvestre, 1833, et dans la Revue historique de l’ancienne langue française, janvier 1877, p. 18-30.

   
   
2. Vers 2 — Moult par fet. B, Si fet molt.
3. 3 — si. B, bien.
4. 4 — Et de pain. B, D’avoinne.
5. 9 — del. B, au.
6. 10 — Li. B, L’en.
7. 11-12 — Ces deux vers sont placés dans B avant le vers 9.
8. 12 — souvent, lisez savent.
9. 13 — de plege. B, d’aïde.
10. 15-18 — Ces vers manquent dans B.
11. 16 — moins, lisez mains.
12. 21-22 — Ces vers sont intervertis dans B.
13. 22 — Or. B, Lors.
14. 23 — Si. B, Or.
15. 27 — Homme. B, Li hons.
16. 28 — B, S’il n’a estoremant.
17. 29 — Qu’il. B, Il.
18. 31-32 — B :

    L’une à metre son frein
    Et l’autre son estrain.

19. 35 — B, Et le bief ou grenier.
20. 36 — el. B, ou.
21. 39 — Si n’envoit. B, Et ne voist.
22. 41 — Envoit. B, S’envoist.
23. 42 — buire. B, cruche.
24. 43 — boive. B, boine.
25. 45-46 — B :

    Car li hons qui s’enyvre
    Est tost d’avoir delivre.

26. 47 — les. B, des.
27. 48 — B, Des choleiz et des reves.
28. 51 — li, lisez la.
29. 52 — à charrier. B, et charretier.
30. 56 — Penel. B, Banel. — meneoire. B, menjoire.
31. 58 — craisset. B, grassot.
32. 59-60 — Ces deux vers manquent dans B.
33. 62 — la. B, sa.
34. 65 — ale, lisez ele.
35. 75 — B, Et besagu d’acier.
36. 80 — Ice n’est. B, Nel tenez.
37. 82 — foisne. B, soisne.
38. 83 — B, La trugle pour peschier.
39. 84 — au col. B, avec.
40. 85 — A metre. B, Pour metre.
41. 87 — Puis. B, Si.
42. 88 — sa. B, la.
43. 89 — hiaumet. B, harmet.
44. 90 — Macuele. B, Et maçue.
45. 91 — et espée. B, enfumée.
46. 92 — B, Qu’il n’ait soing de meslée.
47. 93 — Au chevès soit. B, Avec lui ait.
48. 95 — B, Qu’il ne preigne estoutie.
49. 96 — d’esmovoir. B, de feire.
50. 97 — home, lisez homme.
51. 98 — soit. B, ou.
52. P. 151, l. 19, sajetele, lisez saietele.
53. 100 — oeuvre, lisez oevre.
54. 101-102 — Ces deux vers manquent dans B.
55. 103 — Si. B, Puis.
56. 104 — la. B, sa.
57. 106 — Acesmez. B, Esmoluz.
58. 110 — sa. B, la.
59. 111 — Mès. B, Mès et. — Ce vers ne vient dans B qu’après le vers 112 qui se lit ainsi :

    Quant il vient ost banie.

60. 113-114 — Ces deux vers sont intervertis dans B.
61. 114 — S’il ert. B, Devant.
62. 116 — dus, lisez des. — B, Se il venist derreins.
63. 117 — « ja » manque dans B.
64. 118 — B, Ce savez vous luit bien.
65. 121 — S’il. B, Se il. — « sa » manque dans B.
66. 126 — B, Ainz se tiegne tout coi.
67. 127 — Et se. B, Se. — huches. B, des huches.
68. 128 — cruches. B, ruches.
69. 131 — B, Le banc et le foier.
70. 132 — Et la table. B, Et la trible.
71. 137 — Trepier. B, Tonnel.
72. 139 — revient, B, vient.
73. 144 — au buef. B, as bues.
74. 145 — N’i. B, Ne.
75. 146 — B, Et voist touz jourz à pié.
76. 147 — « Par » manque dans B. — son. B, sur le.
77. 148 — Ou et ou. B, Et et et.
78. 151-152 — Ces deux vers manquent dans B.
79. 153 — traie. B, tourne.
80. 155 — B, A blez covrir en terre.
81. 159 — Se. B, Si.
82. 162 — B, La jarce pour seignier.
83. 165-166 — Ces deux vers sont intervertis dans B.
84. 166 — trenchanz. B, taillans.
85. 167 — B, Et solers à noiaux.
86. 169 — B, Cotel et couteliere.
87. 170-171 — Ces deux vers manquent dans B.
88. 172 — B, Corroie et aumosniere.
89. 177 — Por. B, A.
90. 180 — trible. B, crible.
91. 182 — pestrir. B, pretir.
92. 184 — forchons. B, furgons.
93. 187-188 et 191-192 — Ces quatre vers manquent dans B.
94. 193 — B, Toaille à blé senier.
95. 195 — lui bien. B, soi à.
96. 200 — Nel. B, Non.
97. 202 — rastel. B, rasel. — Après ce vers, B ajoute:

    La fourche et le flael
    Et rabot et rastel ;
    Si li covient balai,
    Pourquoi le celerai ?

98. 203 — B, Le picois et la pele.
99. 206 — B, De son voisin prier.
100. 209 — Quar. B, Que.
101. 215 — B, Hors ne les gitez mie.
102. 216 — Après ce vers, B ajoute :

     Mès face relier
     Et la frete alier.
     Car tout raestier aura
     Quant mesniée croistra.

103. 218 — naisse. B, veigne.
104. 222 — auget. B, baquet.
105. 223-224 — Ces deux vers manquent dans B.
106. 225 — baisselete. B, mechinette.
107. 226 — minete. B, tinete.
108. 228 — Quar ce. B, Ce en. — Après ce vers, B ajoute :

     Sachiez qu’il li estuet
     Se il feire le puet.

109. 229 et 232 — Ces deux vers manquent dans B.
110. 230 — B, Il covient que il ait.
111. 231 — B, Une vache à lait (vers faux).
112. 234 — Quant il en a. B, Se il en est.
113. 236 — Toute nuit. B, Volentiers.
114. 238 — s’iroient. B, en iroit.
115. 239-240 — Ces deux vers manquent dans B.
116. 241 — l’ouvraingne. B, l’on maigne.
117. 242 — pas gaaingne. B, mie gaingne.
118. 245 — se. B, s’en.
119. 246 — lor. B, le. — Après ce vers, B ajoute :
120. 247 — Homme. B, Li hons.
121. 249-252 — Ces quatre vers sont remplacés dans B

     Car se il n’a chastel,
     Tant a il moins troussel.

122. 254 — li brist B, despient.
123. 255 — nult, lisez nul.