Recueil général et complet des fabliaux des 13e et 14e siècles/XLII
XLII
LA PATRE-NOSTRE FARSIE
fo 274 ro.[1]
ater noster doit chascuns[2] dire
A Dieu et crier : Biaus douz sire,
Gardez nos ames et noz cors ;
Qui es in celis haut là sus,
Tu connois bien chascun çà jus
Et par dedenz et par defors.
Sanctificetur nomen tuum,
Car il n’est nus, soit fame ou hom,
S’à toi de cuer adveniat,
Qu’il ne gaaint regnum tuum ;
S’il humelie cor suum,
Tu lui diras tantost : fiat.
Voluntas tua est moult droite ;
Le salu de chascun covoite
Aussi du povre com du riche,
Sicut in celo et in terra.
Jà nus enz ès ciex n’enterra
Qui le cuer ait aver ne chiche.
Panem gardent trop li riche homme ;
Nostrum ne lor lest prendre somme
Quar adès acroistre le vuelent ;
Anui ont cotidianum ;
Bien se travaillent in vanum,
Qu’à la mort rien porter n’en pueent.
Da ne maint mès en cest païs
Qui de nobis est si haïs
C’on l’a tout perdu hodie,
Et dimitte l’en a quaissié,
Qui nobis a le cuer lechié
In hac valle miserie.
Debita nostra sont moult grandes ;
Ce sont li vin et les viandes
Que chascun jor volons avoir ;
Il n’est nus hom, sages ne sos,
S’il despendoit sicut et nos,
Qu’il ne deijst moult grant avoir.
Sire, qui es piissimus,
Envoies nous dimittimus
Que nous en aurions mestier.
Si mandez debitoribus
Que jà à creditoribus
Ne pait maaille ne denier.
Nostris seroit bien avenu ;
Lié seroient jone et chanu
Inclinatis capitibus,
Et ne nos, por nostre mesfait[3],
Inducas en enfer le lait
Peccatis exientibus.
Secor nous in temptationem
Que ne perdons mansionem
De toi demonis artibus ;
Nous, qui nous savons entechiez,
Devrions gehir noz péchiez
Dedans le mois .VI. foiz ou .VII.,
Dont seroit l’âme libera ;
Si voleroit per aera
Devant Dieu tout pur et tout net.
Quant nous vendrons en cel[4] osté,
A malo serons bien osté ;
Sanz fin troverons solamen ;
Quar Diex i maint et tuit si saint,
Et por ce qu’il nous i amaint
Si en die chascuns amen.