sacrez à sa memoire *, et combien de grans Seigneurs, avec monseigneur le Duc de Joyeuse et monseigneur le Cardinal son frere, ausquels Ronsard avoit cet honneur d’appartenir *, honorerent cette pompe funebre, accompagnez de la fleur des meilleurs espris de la France[1]. Apres[2] disner le sieur du Perron prononça l’Oraison funebre, avec si grande affluence[3] de peuple, que plusieurs Princes et grans Seigneurs furent contraints de s’en aller[4], pour n’avoir peu entrer[5]. Le desordre et confusion du peuple qui s’entrepressoit pour entendre, augmenta plustost l’honneur de son eloquence[6], et tesmoigna combien la gloire de Ronsard et sa perte estoit[7] grande, où il sembloit que le public et chacun en particulier eust interest y abordant[8] de tous costez *. A l’issue de l’Oraison funebre[9] fut representée une Eclogue par moy faite * pour fermer cet acte funebre. Voila la fin de celuy qui avoit donné commencement et accroissement à l’honneur de la langue et Poësie Françoise, et qui possible la ensevely avec soy sous mesme sepulture[10] *.
Il fut en toute sa vie autant curieux, et s’il faut ainsi dire, ambitieux du vray honneur[11] que la vertu nous apporte, comme épargnant de celuy d’autruy, n’ayant jamais offensé personne s’il n’estoit provoqué au paravant *. Vray est[12] qu’il s’est quelquefois courroucé contre ceux qui brouilloient le papier, et qui ne faisoient à son gré, comme on peut voir au second livre[13] des Poëmes, en celuy escrit à Christophle de Choiseul[14] *. Sur ses derniers jours me fai-
- ↑ A pas de virgule après funebre | C de grans Seigneurs, avec ce genereux Prince Charles de Valois *, accompagné du Duc de Joyeuse et du Reverendissime Cardinal son frere, ausquels Ronsard appartenoit, honorerent ceste pompe funebre, à laquelle l’eslite de ce grand Senat de Paris * daigna bien assister, comme à un acte public, suivie de la fleur des meilleurs esprits de la France.
- ↑ A de la France, apres
- ↑ B avec tant d’eloquence et si grande affluence
- ↑ B de s’en retourner
- ↑ C Apres disner le sieur du Perron prononça l’Oraison Funebre avec tant d’eloquence, et pour laquelle ouyr l’affluence des auditeurs fut si grande que Monseigneur le Cardinal de Bourbon *, et plusieurs autres Princes et Seigneurs furent contraints de s’en retourner pour n’avoir peu forcer la presse.
- ↑ C pour n’avoir peu forcer la presse. L’applaudissement des assistans en tres-grand nombre, et le regret de la troupe immense qui ne peut entrer, fit cognoistre l’effect merveilleux de son eloquence
- ↑ BC et la perte en estoit
- ↑ BC interest, y abordant
- ↑ BC suppriment funebre
- ↑ C sepulture, qui le premier de nos François osa tracer un sentier incogneu pour aller à l’immortalité, ayant guidé les autres au chemin d’un si honeste labeur *.
- ↑ C Il fut en toute sa vie autant ambicieux de l’honeur vray
- ↑ A au paravant : Vray est | C auparavant : vray est
- ↑ A au 2 livre
- ↑ C comme on peut voir au Poëme escrit à Christofle de Choiseul
