lettres par un homme[1] qu’il y tint expres *, jusques à l’age de neuf ans, qu’il le fit amener à Paris, au college de Navarre[2], où estoit lors Charles Cardinal de Lorraine, qui le cognent, et l’aima pour ses vertus, pensant[3] son pere qu’il deust[4] continuer l’esperance qu’il avoit conceüe de luy, lors qu’avec une si grande vivacité d’esprit, il surpassoit tous ses freres à comprendre les premiers commencemens des lettres. Il n’avoit pas esté demy-an souz un regent nommé de Vailly[5], quand rebuté par la rudesse de ses maistres [6], comme ordinairement un beau naturel ne veut estre forcé, il commença à se degouster de l’estude des lettres * : dequoy[7] son pere adverty, le fit venir en Avignon, où pour lors estoit le Roy, sur les preparatifs d’une grande et puissante armée contre[8] l’Empereur Charles cinquiesme *, et le donna pour page à Charles Duc d’Orleans, le dediant aux armes *, où il continua[9] quelque temps fort agreable à son maistre, tant pour une beauté grande qui reluisoit en luy, que pour la bonne façon[10] qui en un age si tendre sembloit promettre quelque chose de plus grand[11] à l’advenir. Et de fait sur cette esperance, à fin de luy faire voir du païs, le Duc d’Orleans le donna à[12] Jacques de Stuart, Roy d’Escosse, qui estoit venu pour espouser Madame Marie de Lorraine[13], qui l’emmena en son païs *. En Escosse il demeura trente mois, et en Angleterre six, où[14] ayant appris la langue, en peu de temps, il acquit[15] si grande faveur[16], que peu s’en falut que la France ne perdist celuy
- ↑ BC par un precepteur
- ↑ C le fit conduire à Paris au college Royal de Navarre
- ↑ B ses vertus : pensant | C qui le cognut et l’aima déslors pour ses premieres vertus, pensant
- ↑ A d’eust
- ↑ C demy an sous la charge d’un de Vailly
- ↑ BC precepteurs
- ↑ A lettres : Dequoy | B lettres. Dequoy | C ne veut estre forcé par une rigueur pedantesque, il commença à se degouster de l’estude. Dequoy
- ↑ AB armée, contre
- ↑ B pour page à François fils aisné du Roy, le dediant aux armes : avec lequel il ne fut que trois jours qu’il mourut à Tournon. De là il fut donné à Charles Duc d’Orleans, où il continua | C même var., avec une virg. après armes et cette addition Charles Duc d’Orleans second fils du Roy *
- ↑ C pour la bonne et auguste façon
- ↑ BC quelque chose de bien grand
- ↑ C le donna page à
- ↑ BC Madeleine fille du Roy François
- ↑ B en Angleterre six : où
- ↑ C qui estoit venu espouser Madame Madeleine, fille du Roy François, qui l’emmena en son Royaume, où il demeura deux ans, et en Angleterre six mois : ayant appris la langue en peu de temps, il acquit [C-1630 virgule après six mois | 1617, 1623 deux points après temps]
- ↑ B si grande faveur pres de ce Prince, | C si grande faveur pres de ce Prince qui l’aimoit fort,