Les Œuvres de François Rabelais (Éditions Marty-Laveaux)/Almanach/1533
Almanach pour l’an 1533.[1] calculé ſur le Méridional de la noble Cité de Lyon, & ſur le climat du Royaume de France.
& Profeſſeur en Aſtrologie, &c.
ar ce que ie voy entre tous gens
ſçauans la Prognoſtique & iudiciaire
partie de Aſtrologie eſtre
blaſmée, tant pour la vanité de
ceux qui en ont traité, que pour
la frultration annuelle de leurs
promeſſes, ie me deporteray pour
le preſent de vous en narrer ce que i’en trouuois par
les calcules de Cl. Ptolomée, & autres, &c. I’oſe
bien dire, conſiderées les frequentes conionctions de
la Lune auec Mars & Saturne, &c., que ledit an au
mois de May il ne peut eſtre qu’il n’y ait notable
mutation tant de Royaumes que de Religions, laquelle eſt machinée par conuenance de Mercure auec Saturne,
&c. Mais ce ſont ſecrets du conſeil eſtroit du
Roy eternel, qui tout ce qui eſt, & qui ſe fait, modere
à ſon franc arbitre & bon plaiſir. Lesquels
vaut mieux taire & les adorer en ſilence, comme eſt
dit Tob. xij. C’eſt bien fait de receler le Secret du Roy. Et Dauid le Prophete, pſal. lxiiij. ſelon la
lettre Chaldaïque, Seigneur Dieu, ſilence t’appartient
en Sion, & la raiſon il dit pſal. xvij. Car il a
mis ſa retraite en tenebres. Dont en tous cas il nous
conuient humilier, & le prier, ainſy que nous a
enſeigné Ieſus Chriſt noſtre Seigneur, Que ſoit fait
non ce que nous ſouhaitons & demandons, mais ce
que luy plaiſt, & qu’il a eſtably deuant que les
cieux fuſſent formez. Seulement que en tout & par
tout ſon glorieux nom ſoit ſanctifié. Remettans
le pardeſſus à ce qu’en eſt eſcrit es Ephemerides
eternelles, lesquelles n’eſt licite à homme mortel
traiter ou cognoiſtre, comme eſt proteſté, Act. I. Ce
n’eſt pas à vous de cognoiſtre les temps & momens,
que le Pere a mis en ſa puiſſance. Et à cette temerité
eſt la peine interminée par le Sage Salomon,
Prouerb. 25. Qui eſt perſcrutateur de ſa Maieſté,
ſera opprimé de la meſme, &c…
- ↑ Almanach povr l’an 1533. Rabelais a publié une longue suite d’Almanachs dont il ne nous reste que des titres et quelques fragments. C’est probablement à ses propres publications qu’il fait allusion dans sa description de « la librairie de ſainct Victor » (t. I, p. 249) quand il y place un « Almanach perpetuel pour les gouteux & verollez. » Antoine Le Roy nous apprend dans ses Rabelæſina elogia (lib. I, c. 25, p. 126) qu’il avait eu entre les mains trois almanachs de Rabelais appartenant aux bibliothèques de Guy Patin, Jacques Mantel et Gabriel Naudé. « Mihi… e bibliothecis clariſſimorum virorum Guidonis Patini, Iacobi Mantelii, & Gabrielis Naudæi ceſſerunt præ manibus tria potiſſimum calendaria, quæ quondam ex officina proprioque ipſius Rabelæſi Marte prodierunt. » Il nous donne (lib. I, c. 26, p. 127) le titre de celui de 1533.