La Source et origine des cons sauvages/03

Anonyme

La Source et origine des cons sauvages (1610)

par Jean de la Montagne (A Lyon), 17.. (p. 7-9).

Cons de Dames, & Damoyſelle,
Cons de Bourgeoyſe, & de Pucelle
Cons de Seruantes & de Couuent,
Sont tous tournez d’un meſme sent.

De quelle manières ſont les Cons,
& leurs differences

CHAPITRE I.

IL eſt premier à noter, que tous Cons generalement ſont compoſez, emparez, & conformez d’vne carnalité ſpongieuſe & obediente, ſans rebellion laquelle de ſa propre nature ſe dilatte, & luy fait place ſelon l’opportunité de ſon indigence. Si eſt à ſçauoir qu’il eſt des Cons de pluſieurs ſortes : les vns ſont tiſics, les autres hydropicz, puis d’autre mediocres. Entre les deux Cons thiſics, les vns ſont comme vne petire eſclatte fenduë, enueloppée d’vn peu de peau ſans motte ne releueure. D’autre y à de cette ſorte qui ont vn peu de promottoire, & au donjon il ſe treuue vn os barré qui empeſche & efface la volonté & puiſſance que lon y cuide treuuer pour ceſt effect c’eſt vn pauure & mal-heureux meſtier. Des cons mediocres ſelon qu’ils s’élongnent du thiſic, & approchent l’hydropic, ils s’emmeliorent & en ſont plus magnifiques. Neantmoins tout ainſi que le thiſic eſt contagieux ceux qui s’en approchent, ſemblablement ſont tous infectez. Cons hydropics ſont contagieux, & inficient les membres dont ils ſont viſitez. Et pour c’eſte cauſe quand feu Miſſire Olliuier de la marche Cheualier iadis tant renommé en armes, & en allegance comme vn autre Ceſar, & deſia tant âgé ſe voulut remarier à vne ançienne Demoiſelle de la maiſon de Bourgogne, laquelle Demoiſelle eſtoit haute & montée ſur eſchas, maigre & pleine d’arreſtes, auec vn long Con thiſic, & contagieux : il veid vn ſien amy bon compagnon de Picardie, lequel taſchant lui diſſuader ce mariage, en ſe gaudiſſant luy enuoya le Rondeau cy apres.

RONDEAV.

VN Con baſti de deux eſclatte,
Et puis bordé de noires matte,
Etteinct d’un tiſſu cramoyſi,
A pris vn Cheualier moyſi,
Qui reſſembloit vn Roy de Cartes,
Il auoit les baleûres plattes,
Et d’vne blancheur toutes mattes,
Quand ſe cheualier l’eut choiſi.
CE CON
Au garnier où l’on prend les rattes,
Il à reçeu des coup de pattes.
De langues d’ouy & de ſi,
Plus qu’un Couureur de Boiſgency,
N’à rabbatu de cloux à lattes.

Touchant les Cons hydropiques, les vns reſſemblent à vne groſſe boignette fenduë, les autres vn gros cœur de mouton my party par le bas, & de ceux cy le fruit eſt beaucoup plus plaiſant, & beaucoup voluptueux. Et pour tant vn grand Commiſſaire des guerres, en ſon temps grand perſcruteur des ſecrets muliebres, à la requeſte de Monſieur des Cordes, lors Gouuerneur de Picardie, fit deux elegantes Ballades, l’vne de la perfection & beauté d’vn cheual, & l’autre de l’excellence de ſa femme : & quand il viend à deſcrire la region de baſſe friſe, il dict que la belle femme doit eſtre.

Parmi les reins bien fournie en charnée
Groſſes cuiſſes, deuant haute en Connée,
Et en beauté parfaicte à l’aduenant,
De doux racueil, & de rebelle entrée,
Le ventre épois motte de frais raſée,
Le cropion tenir directement,
Et ſon bourdon ſerrer eſtroittement,
Ie ne m’enquiers de trop ou peu profonde.
Le compagnon porter ioyeuſement,
Parfaicte en biens ſeroit la plus du monde.