L’Escole Paroissiale/P1/02
CHAPITRE II.
DE LA DISPOSITION ET
ameublement de l’Escole.
ARTICLE I.
Dv lieuv de L’Escole.
De ses qualités en general. §. 1.
PRES auoir parlé d’vn Maistre d’Escole, & remarqué les talents & vertus qu’il doit auoir, il faut maintenant parler d’vn lieu pour faire l’Escole. Ce lieu doit estre le plus à l’escart du voisinage que l’on pourra, non point sur la rue, mais plustost sur vn derrière, neantmoins le plus proche de l’Eglise Paroissiale qu’il fera possible, afin que les enfans puissent estre conduits plus facilement au seruice diuin, & Paroissial aux Festes & Dimanches, comme nous dirons cy-apres, dans la seconde partie de ce liure, parlant de la Pieté Chrestienne.
De la Chambre ou Salle d’Escole en particulier. §. 2.
A Chambre ou Salle, où se fera l’Escole, doit estre grande & spacieuse, à proportion des enfans que l’on y doit têteuoir, comme par exemple, il faut vne Chambre de vingt six pieds en longueur, dix sept à dix huict de largeur, & douze de hauteur pour cent enfans, de peur que les chaleurs ne causent quelque puanteur, & en suitte vne maladie, & au Maistre & aux enfans, notamment dans sa ris, où l’air est fort grossier : & ainsi sur cette mesure on peut regler le reste à proportion : elle doit estre bien percée de fenestres à vitres, ou au moins à chassis de papier bien clairs. Et s’il estoit possible qu’elle fust percée des trois costés, & mesme des quatre, ce seroit le mieux, car en esté que le temps est chaud, on ne peut auoir trop d’air, pour euaporer toutes les mauuaises odeurs des enfans. Il faut pourtant s’accommoder comme l’on pourra.
Es fenestre doiuent estre bien closes de peur du froid, durant l’hyuer, à quoy les enfans qui ne sortent point d’vne place, & ne remuënt point, sont fort sensibles : neantmoins le Maistre donnera ordre à quelqu’vn de les ouurir aussi-tost qu’ils feront hors de l’Escole, afin de faire sortir le mauuais air, & en reprendre du nouueau, puis les refermer vn peu auant que les enfans r’entrent ; & durant le temps doux, il les fera ouurir pendant la leçon, & durant la nuit elles seront fermées barres par derrière, notamment à Paris.
A porte sera fermée à clef durant que les enfans n’y seront point, si ce n’est que ladite chambre serue de demeure, ou de passage au Maistre, qui doit auoir vne estude ou cabinet au moins, dans la dite chambre (sinon qu’il fut logé dessus) pour voir ses Escoliers ; or à ce que par sa présence il les tienne toûjours dans le respect & modestie raisonnable, il pourra auoir vne petite jalousie ou au plancher de sa chambre, s’il est dessus, ou à la porte de son estude ou cabinet, d’où il puisse remarquer leurs actions hors le temps de saleçon : ce qui est fort necessaire ; car c’est par là que l’on connoist les bonnes & mauuaises mœurs d’vn chacun, dans lequel cabinet ou chambre, s’il se peut quelquefois glisser, & demeurer en telle forte que les Escoliers ne le puissent sçauoir, qu’il y peut estre : ce fera bien aduisé pour les reconnoistre encor mieux : & mesme de là il les pourra aduertir & donner ordre aux immodesties.
L y aura dans l’Escole vne cheminée large & spacieuse de douze pieds au moins, & s’il le peut faire, sans iambages, afin que plusieurs se puissent chauffer à la fois, esgalement, les vns apres les autres (comme nous dirons cy-apres) estans assis sur trois bans, dont l’un tiendra la largeur de la cheminée à vn pied près de chaque cofté, long de six pieds seulement, & les trois feront hauts de quatorze pouces seulement, par ce que l’on se chauffe mieux de prés que de loing, & estant assis bas, que haut, ce qui est aussi en faueur des petits. Lesdits bans ne seruiront qu’à cét usage seulement, & quand l’on n’en aura plus besoin, ils seront ferrés en quelque endroit, d’où ils ne puissent point estre esgarés. Lesdits bans se joindront l’un à l’autre, & pour, ce faire, ils ne seront carrés par les bouts, mais seront eschancrés en triangle afin qu’vn chacun des Escoliers soit assis commodement : Le foyer fera fourny de pincettes, pelle à feu, de deux landiés de fer ; & d’vn soufflet pour seruir au feu ; lesquels vstencilles seront ferrés en esté, à ce qu’ils ne se perdent.
DES AMEVBLEMENTS DE L’ESCOLE.
Images. §. 2.
Ans ladite Escole il y aura vne grande image Ddu Crucifix en taille douce de papier, collée sur de la toille, ou depeinte sur de la toille, ou du. bois : laquelle sera placée au lieu le plus honorable, & qui neantmoins regardera le lieu du Tabernacle de l’Eglise de la Paroisse, afin que de là les enfans puissent en priant Dieu, adorer le Saint Sacrement : cette image pourra estre choisie de celles qui se vendent à Paris, sur du papier en taille douce, qui ont deux pieds & demy de hauteur ; il la faut coller bien proprement sur de la toille & orner tout au tour d’vne bordure de deux pouçes de large de papier noircy, puis l’attacher sur vn chassis de bois tout simple, ceux qui voudront & auront commodité d’y apporter plus d’artifice & de frais, il leur sera loisible de le faire.
Outre cette image du Crucifix il y aura vne image de la Vierge, & vne de Saint Ioseph, qui pourront estre placées aux deux costés du Crucifix, & aussi vne du Patron du Diocèse, comme de S. Denis à Paris, & du Patron des Escoliers, S. Nicolas, & de saincte Catherine pour les filles, & vne du Patron & titulaire de la Paroisse de mesme grandeur que celle de la Vierge, qui pourront estre placées à l’escart les vns des autres ; lesquelles seront collées bien proprement sur de la carte, afin de durer dauantage, pour estre honorées par les enfans.
Outre ces images, il seroit encor bon d’auoir vne grande image, de deux pieds en quarré, en taille douce, qui se vend à Paris, qui represente le Iugement general, le Paradis, & l’enfer : laquelle sera collée aussi sur de la toille, & enchassée comme l’image du Crucifix pour estre mise sur la cheminée, & seruir souuent pour donner de la terreur aux enfans, en leur monstrant l’image de l’enfer, quand ils auront fait quelque faute comme de mentir ou dire des paroles sales & mauuaises &c. & les encourager à la vertu en leur monstrant le Paradis. Ces images seront espoudrées deux fois la semaine, auec vne queue de renard, ou vn balay de plume de chapon, ou vn linge.
V dessous du Crucifix, personne des Escoliers ne sera placé par honneur & respect, au Saint Sacrement, & à l’image du Crucifix ; le Maistre se placera dans vne chaire à bras qui aura le siège haut de deux pieds, en vn lieu, d’où il puisse voir tous les enfans : il pourra mesme esleuer sa chaire de deux pieds sur vn marche-pied, ce qui est assés commode.
Outre ces images on pourroit placer en diuers endroits de l’Escole, plusieurs placarts colés sur des cartons bien proprement, qui puissent seruir de bon motif aux Escoliers, pour les retirer du vice & les entretenir en la Vertu. De plus il restera vne place vuide pour placer l’image du Mystère, dont l’on se seruira, comme nous dirons cy-apres, au Catechisme & Instruction des Festes & Solemnisés principales de l’année. Il y aura mesme vn chassis de bois bien fait dans lequel on enchassera chaque image en son temps, quand on en aura besoin, lequel fera resserré de peur d’esgarement,
DES CLOVX ET CHEVILLES.
Des attaches ou porte-manteaux, porte-sacs & tablettes. §. 1.
L y aura au lieu le plus commode de l’Escole où il y aura des cheuilles de bois, pour attacher les sacs des enfans, en aussi grande quantité, à peu prés, comme peuuent monter les deux tiers du nombre des Escoliers, qu’il y aura en l’Escole : comme par exemple, pour cent Escoliers, il faut auoir trois barreaux portant chacun vingt quatre cheuilles. Il y aura encor des autres barreaux portant cheuilles, pour attacher les manteaux, à proportion de ceux qui ont coustume d’en apporter ordinairement à l’Escole, afin que rien n’y traisne & que toutes choses soient en ordre. Il y aura encor quelques ais, ou tablettes posées sur des cheuilles, au dessus desdits barreaux, deux ou trois seulement, pour mettre les liures ou papiers sur le champ, ou estre resserrés en temps & lieu.
L y aura dans la dite Escole vne armoire, ou seront resserrées exactement tant les choses cy-dessus specifiées, que les autres, dont nous allons parler. Cette armoire aura trois estages, & deux huissets seulement, fermant à clef, ou trois selon la commodité d’vn chacun. Dans le premier estage d’en-haut seront resserrés vn calice, & patine d’estain ou de bois, vne passe de carte, auec quelque mouchoir ou voile, vu plat d’estain, ou de fayence, deux burettes d’estain, deux chandeliers de bois auec deux cierges, vn esteignoir, quelque vieux Missel, vn coussin, vne clochette pour monstrer à seruir à la messe. Lesquelles choses seront resserrées exactement aussi-tost que l’on s’en sera seruy de peur que que rien ne se gaste, ou ne se perde.
Ans le 2. estage il y aura les liures seruans à faire la lecture spirituelle, comme la vie des Saints, du Pere Ribadeneyra, in quarto, ou en petit volume, de Lion, qui est en deux tomes qui couste vn escu, ou en plus grand volume. Ce liure est tres necessaire aux enfans de l’Escole, pour leur apprendre la vie des Saints. Item le Maistre pourra encor resserrer, s’il veut en ce mesme estage, les deux tomes de la Fleur des Exemples, pour en tirer des Histoires pour ses Catechismes : le Catechisme du Diocese, quelque petits abregés des Mysteres de la Foy, de la Confirmation, de la Confession, du Baptesme, de la Communion : pour s’en seruir au besoin, & mesme pour en donner aux enfans, quand il le iugera à propos pour ayder à les instruire. Ces abregés se vendent à Paris, chés Maitre Pierre Targa, rue Saint Victor, au Soleil d’Or ; Paradisus puerorum, imprimé à Doüé est encor excellent pour les Histoires, dont le Maistre doit faire bonne prouision, en ayant besoin à toutes sortes de rencontres, car les enfans retiennent plustost les exemples de leurs semblables, que les preceptes : il y aura encor le petit liuret des Meditations de saint Bonauenture faire lire durant la semaine Saincte, comme pour nous dirons cy-apres : le Pedagogue Chrestien en petit volume, ou in octauo imprimé de nouueau à Mons, ou à Rouen, qui se vend à Paris, lequel est tres-excellent, & pour la Doctrine, & pour les Histoires belles, & bien à propos qu’il contient. Le liure de l’enfant Catechisé du pere Bonnefons est encor excellent. La grande Guide des pecheurs de Grenade, le Catechisme Paroissial des Festes & celuy de la première Communion, qui se vendent à Paris, chés ledit Maistre Pierre Targa.
Vtre ces liures de pieté, & d’instruction, il pourra mettre dans cét estage vn Despautaire, vn Donaits, vne petite Grammaire Grecque, pour s’en seruir, s’il a des enfans qui apprennent le Latin. Dans ce mesme estage il doit mettre trois liures blancs, l’un pour escrire les noms, demeure & aage des Escoliers de la Paroisse, qui seront admis dans l’Escole, comme nous dirons cy-apres. Le 2. pour mettre ceux des autres Paroisses, si on en admet : ou bien il les pourra mettre derriere le mesme liure, s’il est assés gros pour cela. Le 3. sera pour marquer les receptes des retributions des Escoliers, mettant le nom du mois à capite, à la marge vn chiffre du quantiesme, en suitte le surnom de l’Escolier qui aura apporté, & à costé le nombre de l’argent qu’il aura donné, & derriere ce mesme liure il pourra mettre les mises & depenses qu’il auroit fait pour les particuliers, & pour l’Escole s’il est responsable de ce qu’il reçoit, de peur que se confiant trop à sa memoire en la chargeant de ces choses, il n’en arriue des inconueniens pour le mesconte, & des querelles en suitte. Tous ces liures seront resserrés exactement quand on s’en sera seruy, de peur d’accident. Il pourra encor auoir dans ce mesme estages des petites & grandes images de plusieurs sortes, Agnus, Chapelets pour recompenser les diligents en temps & lieu : par exemple, il aura des feuilles contenantes 36. petites images, des feuilles de 25. qu’il coupera & distribuëra aux petits, il aura des images à trois sols ou trois sols & demy la douzaine, ou il y en aura deux à chaque feuille à couper ; il en aura de mesme grandeur ou il ny en aura qu’vne, des enluminées s’il a la commodité, il pourra encor auoir du carton pour en accommoder dessus, bien proprement auec du papier marbré, taschant de faire prouision de toutes ces choses, afin de s’en seruir en temps & lieu, n’espargnant rien pour animer ses Escoliers à la Vertu.
Ans le il y mettra les images des mystères, qui doiuent estre de papier, au moins de taille douce, grand d’vn pied & demy en bordure, & en image colée sur de la carte bien proprement : il en pourra coler deux sur chasque carte, vne derrière & l’autre deuant : ces images pourront couster deux sols ou six blancs en papier, de chacune desquelles il rognera la bordure à proportion de la grandeur du chassis, qui seruira à toutes les images, pour les exposer ; lequel fera haut de quinze pouces, & large d’vn pied, portant tout au tour deux pouces de nerueures pour tenir les images dans le vuide & sera noirey sur le bord. Il y aura encor dans ce mesme estage des autres moindres images (comme d’vn sol la piece) collées sur des cartons des deux costés, représentants les images des Saints & Saintes moins solemnelles, desquels on fait Feste d’obligation durant l’année, afin d’en exposer brieuement la vie & les actions aux enfans quand elles escherront. Comme aussi vnze images representant les mysteses de la Passion de Nostre Seigneur. Il y aura aussi vn marteau, des cloux, tenailles, plumes, canif, pour s’en seruir dans le besoin, dans ce mesme estage.
Du Coffre de l’Escole. §. 6.
L y aura dans la mesme Escole vn coffre fermant à clef, pour renfermer papiers d’escriture, les liures, & escritoires des absens, afin que rien ne se perde ; on pourra encor dans le mesme coffre mettre tous les liures qui se trouuerront apres la leçon du soit, ou du matin ; quand il y aura congé, solemnisé, ou Catechisme apres midy : il seruira encor pour r’enfermer les papiers, dans lesquels il ne fera besoin de faire des exemples pour le lendemain, comme aussi les officiers d’Escriture & bailleurs, ramasseront tous les liures, sacs, & autres choses que les Escoliers auront laissées, & les mettront dans ledit coffre, pour leur donner le lendemain.
ARTICLE IV.
DES TABLES ET DES BANS DE L’ESCOLE
Diuision de l’Escole. §. I.
’Escole est diuisée en trois parties, la premiere & la plus honorable sera pour ceux qui apprennent le Latin, ou qui sont disposés pour l’apprendre : y doit auoir en cette partie trois ou quatre tables à escrire, dont les deux premières qui seront rangées le long des fenestres au bout de l’Escole, qui seront hautes, l’vne de trois pieds pour les plus grands, & l’autre de deux pieds, & demy pour les petits ; qui seront empietés de bon pied de chesne, ou posées sur des traiteaux, lesquelles tables seront larges de quinze pouçes. Il y aura des laiettes tout le long pour mettre leurs l’ures, lesquelles feront faites, si l’on veut, auec des douues de muids, ou bien auec des ais de sapin : la 3. & 4. s’il en est besoin, seront de mesme hauteur que la deuxiesme.
L y aura vn siege à chacune desdites tables, pour asseoir les enfans qui escriront, qui seront ordinairement ceux qui estudient au Latin. S’il ny en auoit pas assés pour les remplir, on y pourra faire escrire de ceux qui s’y disposent, afin de remplir les places vuides : on pourra encor ranger des tables le long de la paroy où sont les fenestres, auec des sieges pour faire escrire les autres Escoliers selon le nombre, & le long desdites tables on mettra deux sieges, pour asseoir ceux qui ne lisent pas encor des plus apparents, taschant par cette petite separation de contenter tout le monde, les personnes de condition n’estant pas bien ayses que l’on mette leurs enfans (& ce auec raison) auec les pauures, qui sont ordinairement pleins de vermines & de saletés en leurs habits, aussi bien qu’en leurs paroles & postures. Il y a des lieux où le nombre des enfans estant de plus de cent, on pourra separer si on a lieu, les pauures en vne autre chambre.
Ans la seconde partie de l’Escole, il y aura des tables larges de trois pieds, ou les plus grands escriront des deux costés auec des sieges à proportion de sorte que l’on puisse trouuer en vne Escole de cent Escoliers, place pour faire escrire pour le moins soixante Escoliers ensemble, & que s’il s’en rencontroit dauantage, il faudroit faire commencer quelques vns de ceux qui escriuent seulement A, B, C, dés sept heures trois quarts afin de faire escrire en suitte à neuf heures, les autres qui resteroient, que l’on taschera estre de ceux qui escriuent A, B, C, seulement ou les mots. Afin que tous ayent fait à l’heure de la correction, & en ce cas ceux qui auroient ainsi commencé tard à escrire, attendront apres tous les autres à corriger.
E l’autre costé le long de la muraille au deuant de ces tables là, il y aura trois bancs de chaque costé, où seront assis ceux qui liront seulement, sans escrire ; mettant ceux de mediocre condition ensemble & les pauures ensemble. Ces bancs seront longs de dix pieds chacun ou moins selon la longueur du lieu. Le premier de chaque costé sera haut de quinze pouçes, & on y mettra ceux qui lisent en François. Le second d’vn pied, & on y mettra ceux qui lisent bien au Latin, & commencent à lire au François. Au troisiesme haut de neuf pouçes de chaque costé ceux qui sont à A, B, C, ceux qui espellent, & commencent à assembler leurs syllabes.
L y aura outre ces bancs, vn petit siege enuiron de six pieds en quelque lieu commode à la veuë du Maistre, pour mettre les nouueaux venus pour quelque temps, cinq ou six iours pour les reconuoistre, & les faire instruire des deuoirs & coustumes de l’Escole, & en suitte de cela on leur donnera place selon leur capacité, quand le Maistre l’aura reconnuë suffisamment, en les faisant reciter attentiuement les donnant en charge à quelqu’vn des plus zelés Escoliers à cét effet, afin de les bien stiler aux petites pratiques de l’Escole, à ce qu’ils ne puissent pecher par ignorance.
L Y aura vne place derriere la porte ou au lieu le plus sordide de l’Escole, où l’on mettra vn petit ratelier auec du foin, vn vieux morceau de bride à cheual, où l’on mettra les paresseux : & mesme il y doit auoir attachés au dessus, vn vieux bonnet de carte auec des grandes oreilles d’asne faites de carte, qui y seront attachées, qu’il faut mettre sur la teste du paresseux, vn petit ais d’vn pied en quarré, où sera peinte ou attachée la figure d’vn asne, & vne petite attache pour le pendre ; il y aura quelque vieux haillon de tapis de droguet, pour seruir de housse, ou de manteau sur le dos de l’asne, & celuy qui sera mis en cette place sera reuestu de ces beaux habits d’asne, & promené par l’Escole, auec vn balay à la main, & attaché par le bras au ratelier en la place de l’asne, tant que le Maistre le trouuera à propos, & le fera huer de tous les Escoliers.
L y aura vne petite clochette attachée au plancher, grosse comme vn œuf, que l’on sonnera pour aduertir les Escoliers, tant pour les Prieres que pour le Catechisme, sortie & entrée &c. & mesme pourra seruir pour monstrer la façon de sonner quand on sert à la Messe, l’éleuation de la Sainte Hostie : quand le Maistre en fera l’exercice. Il y aura vne eau benistier à la porte, dans lequel vn chacun prendra de l’eau beniste auec respect, en entrant & sortant de l’Escole.
N quelque lieu commode de l’Escole, il y aura deux tablettes de bois, larges de huict pouces & longues de deux ou trois pieds (s’il y a cent Escoliers.) en l’vne desquelles il y aura de chaque costé 53. languetes de fer blanc, longues & larges comme le petit doigt, & eschancrées par vn bout, qui seront attachées sur la tablette auec des esguillettes de cuir & distinguées auec des petits cloux, en sorte qu’elles ne se puissent tirer facilement, sur lesquelles languetes, seront escrits les noms de tous Escoliers qui se tireront vn peu, pour marquer les absens de l’Escole. L’autre table sera composée de mesme façon, auec autant de languettes comme il y aura d’Officiers en l’Escole, qui seront marqués sur ladite tablette, chaque mois ou quinzaine qu’ils seront nommés. Or afin que cela soit plus facile, les noms des Offices seront escrits par ordre, en grosses lettres sur du papier collé dans le milieu de la table, & les languettes seront posées en suitte, laissant l’espace d’vn doigt entre la derniere languette de chaque Office, au titre de l’office suiuant. Cette methode est tres excellence, veu que l’on peut escrire facilement auec la plume sur le fer blanc, & l’effacer auec de l’eau, sans rien rompre ny gaster.
L y aura des cornets de plomb, ou de corne enchassés dans du plastre, pour mettre l’encre en commun des escriuains, qui seront poses & arrestés sur la table au nombre de quinze ou seize pour cent escoliers. Item sept ou huict boüettes de bois, pour mettre la poudre. Deux regles qui seront faites d’vn morceau de bois de chesne plat, long de quinze pouces, & large de huict, où seront attachés des lignes de cordes à violon, ou à boyau, dans l’espace d’vn quart de pouçes, ou enuiron, au nombre de vingt quatre ou trente, bien proportionnées ; pour seruir à reigler les papiers en mettant le reglet
dessous la feüille sur laquelle on a à escrire : bien droit
& tenans la main gauche dessus, de peur qu’il ne
bransle, il faudra presser du pouçe de la droite sur
les lignes de corde, à trauers du papier. Cette
inuention est tres excellente : ces deux reigles seront
attachées à chacun bout de l’Escole.
L y aura aussi vn petit panier, pour receüillir les aumosnes & les restes des Escoliers, quand ils auront déjeuné, ou gousté, pour les pauures. Il y aura aussi deux ou trois ballets & trois ratissoires pour balleyer & ratisser l’Escole (selon le temps que nous prescrirons cy-apres.) Item vn pannier pour receüillir les ordures & les porter hors. Il y aura aussi vn sceau pour mettre de l’eau, vn arrousoir de terre ou d’airrain pour arrouser l’Escole, auant que de balayer. Voyla à peu prés les meubles necessaires de l’Escole, qu’il faut tascher d’auoir, & conseruer exactement.
.jpg){kind=small}
CHAPITRES III.
DE L’ADMISSION DES
enfans à l’Escole.
PRES auoir parlé du lieu & de ses
ammeublements, il faut voir les qualités des
enfans qui doiuent estre admis, & les
conditions necessaires des admissibles.