Iconologie (Cesare Ripa, 1643)/II/L’aage de fer
L’aage de fer.
Ne Femme eſpouuentable à voir eſt l’Embleſme
de ce dernier ſiecle, le plus rude de tous. Son habillement
eſt de couleur de Fer, ou de Fer meſme ;
car elle porte vn heaume qui a pour ſymbole vne
teſte de Loup, tenant de la main droite vne eſpée
nuë comme ſi elle vouloit combattre, & de la gauche vn Eſcu,
au milieu duquel eſt dépeint la fraude, ſous la figure d’vn
monſtre, ayant la teſte d’vn homme, & le corps d’vn ſerpent
couuert de diuerſes taches, ou ſi vous voulez, d’vne Sereine qui
attire les paſſans pour les deuorer. A toutes leſquelles choſes
ſont iointes diuerſes armes en forme de trophée, & pluſieurs
enſeignes de guerre.
La Sereine et le Monſtre ſont tous deux le vray ſymbole de la fraude, dont les effets cõmencerent à ſe produire en cét aage-cy particulierement, comme le remarque Ouide, quand il dit,
Alors la probité, la raiſon, la Iuſtice
Ayant abandonné le terreſtre ſejour ;
Dans les cœurs des Mortels regnerent à leur tour
Le menſonge, l’erreur, la fraude & la malice,
Ces Monſtres & ces maux enſemble deſchainez,
Du profond des Enfers ſortirent peſle-meſle
Et tout à meſme temps cette engeance cruelle
Tourmenta les meſchans en leur Vice obſtinez.