Anthologie des matinées poétiques/Rondel à ma mie
RONDEL
Adieu vous dy la larme à l’œil ;
Adieu ma très gente mignonne,
Adieu, sur toutes la plus bonne.
Adieu vous dy, qui m’est grand dueil,
Adieu, adieu, m’araour, mon vueil ;
Mon povre cueur vous laisse et donne.
Adieu vous dy la larme à l’œil.
Adieu, par qui du mal recueil
Mille fois plus que mot ne sonne ;
Adieu, du monde la personne
Dont plus me loue et plus me dueil.
Adieu vous dy la larme à l’œil.