Thresor de la langue françoise/Tenement
Tenement, m. acut. Proprement prins est le pais, contrée, & terres que quelqu'vn tien & possede. Iean le Maire, Noe ordonna Sabbatius Roy sur vne bande de gens qu'il enuoya habiter en Armenie, & confina leur tenement depuis Armenie iusques à la terre des Bactriens. Et au mesme liure Priam prospera en si merueilleuse affluence de richesses, qu'il aggrandit son tenement de neuf prouinces. Mais il se prend aussi pour ce qu'vn vassal ou roturier tient en fief, ou en censiue, & rente fonciere d'vn seigneur qui luy en a fait octroy. L'auteur du traicté des Admortissemens, francs fiefs & nouueaux acquests : Car si simplement vn prelat ou vassal du Roy pouuoient admortir au preiudice & sans le consentement du Roy, ils pourroient finalement admortir la totalité de leurs Tenemens par parties, c'est à dire ce qu'ils tiennent du Roy en fief ou en censiue.