Thresor de la langue françoise/Tabourer
Tabourer, act. acut. Est batre dru & menu du pied, de la main ou auec baston, pierre ou autre chose contre quelque huys, fenestre, ou autre chose de bois, Ostium, aut fenestram, postémve tundere, calce, pugnóve, aut alia re quauis ita vt sonum grauem edant. Ainsi on dit, qui taboure à la porte ? Quisnam fores adcalcitrat ? Le mot est imite de Tabourin, par ce que celuy qui taboure ainsi, fait rendre vn son comme de Tabourin de guerre.
Tabour, m. acut. Est nom general, à cet instrument Circulaire, lequel és deux fonds est bouché & couuert de peau d’asne, en sorte de parchemin tedue par des cordeletes, tout autour, laquelle patue d’vn ou deux bastons par le moyen de l’air enclos entre lesdits deux fonds, & d’vne cordelete tendue à trauers le bas fonds d’iceluy instrument, rend vn gros son & esclatant : car & celuy, duquel les tabourineurs accompagnent leur fleute en fait de danserie, & celuy dont l’infanterie est conduite en la guerre, & animée és batailles & assauts, sont appelez Tabours ou Tambours, selon le mot ou Italien Tamburo, ou Espagnol Atambor. (Car Atabal est de gens de cheual, & pur Morisque, combien que du petit Atabal, qu’en Languedoc on appelle Tymbale, il soit aussi vsé en danserie) & en toutes lesdites quatre langues est mot par onomatopoee, Tympanum.
Tabourin, m. acut. Semble estre diminutif de tabour, & faire difference d’entre le gros Tabour de guerre, & les moindres des tabourineurs & petits enfans, tout ainsi que Musequin & Cheualin le sont de Museau & Cheual. Toutesfois on dit, Tabourin de Suisse, & Tabourin de guerre, Tympanum bellicum. Et batre le tabourin, Tympani crepitu atque sono milites ad conscriptionem inuitare. Et appelle on aussi Tabourin au recensemet des membres d’vne compagnie de gens de guerre, celuy qui le bat, tout ainsi qu’on appelle enseigne, celuy qui la porte, Bellicus tympanistes.
Tabouriner, neutr. acut. Sonner du tabourin, verbe commun à tous tabourins soit de guerre ou autres : mais on l’applicque plus vsitéement aux tabourins de danserie, Tympanizare. Sueton. In Augusto.
Tabourinet, m. acut. Est le diminutif vsité de Tabourin. Vn petit tabourin dont les enfans passent le temps, Tympanulum, s’il se pouuoit dire. Selon ce on dit par metaphore, mener quelqu’vn au tabourinet, c’est à dire, l’eniauler & l’attirer comme vn enfant où l’on veut. Tabourinet aussi signifie ce petit reduict qu’on fait en l’encoigneure d’vne sale quarrée, soit auec de la tapisserie, ou auec des ais, d’où ceux qui y sont mussez peuuent veoir ce qui se fait en ladite sale. De laquelle signification par autre raison, peut auoir emané la dite maniere de parler, Mener au Tabourinet.
Tabourineur, m. acut. Est celuy qui sone du tabourin. Mais on l’approprie à celuy qui iouë du tabourin de danserie. Car celuy qui bat le tabourin de guerre, ne l’appellera on pas Tabourineur, ains Tabourin, voyez Tabouriner, & Tabourin. Tympanista, Tympanotriba. Plaut. In Trucul.
Tabourineuse, f. penac. Celle qui iouë du tabourin de danserie, Tympanistria. Aucuns vsent de Tabourineresse.
Tabourement, m. acut. Vient de Tabourer, & est l’acte de Tabourer. Et aussi le bruict & tempeste que fait celuy qui taboure, Fragor ac strepitus pulsationis.
Tabouret, m. acut. Signifie ores ce petit siege bas embourré couuert de tappisserie de poinct ou autre estoffe, ou les femmes s’asséent tenans leur cacquetoire, ou faisans leurs ouurages, Sedilo quadrupes quo foeminae vtuntur quum aut Senatum de fabulis anilibus habent, aut foemineo operi incumbunt. Et ores ce petit peloton quarré farcy de bourre que les femmes portent pendant de leur demy ceinct, où elles picquent leurs espingles & esguilles, qu’on appelle pour cette cause espinglier & esguillier, Promptuarium spinularium aciculariúmve. Et ores signifie vne espece d’herbe que les herboristes appellent Bursa pastoris.