Thresor de la langue françoise/Table
Table, f. penac. Vient par syncope du Latin Tabula, comme de Seculum, Crustulum, Seclum, Crustlum, &;signifie en general vn ais de bois long & quarré. Selon laquelle signification on dit Entablature, où plusieurs tels ais sont rengez pair à pair ensemble. L’Espagnol dit Tablado, & l’Italien Intauolatura. Tantost il signifie la table quarrée, sur laquelle on boit & mange d’ordinaire, que l’Italien dit aussi Tauola, & l’Espagnol Mesa, au plus pres de Mensa. De laquelle signification dependent ces manieres de parler, Mettre la table, Mensam apponere, sternere. Leuer la table, (dont vient cette maniere de parler, De releuée, pour dire, apres disner) Mensam efferre, ce que l’Espagnol dit, Alçar la mesa, Sustollere. Car anciennement les tables estoyent leuisses, ainsi qu’on le void encore vsiter és hostels du Roy, de la Royne, & des enfans de France, & presque en toutes les maisons & seigneuries en Espagne. S’asseoir à table, Assidere mensae, (car Discumbere, ou Accumbere, sont mots propres des anciens triclines, & à l’assiete des Turcs, dont nos Rois vsent quand ils sont à l’assemblée.) Se leuer de table, A mensa se erigere. Estre longuement à table, ou Tenir longue table, Diutius mensae immorari, adsidere. Et au contraire, Tenir courte table, & par metaphore, Tenir bonne table, Affatim epulari, Mensam plurimis ferculis instruere, Opiparè commensales ac conuiuas accipere. Tenir table à tout le monde, ou Tenir table ouuerte, qu’on dit aussi, Tenir table ronde & maison ouuerte, Absque discrimine quoslibet ad epulum admittere. I’ay dit Table de bois, & Table quarrée en cette-dicte signification, par ce que pour ce signifier on n’vse d’aucune adiection, ce qu’on fait quand la table n’est ni de bois ni quarrée. Car en tel cas on dit, ou Table d’airain, Aenea tabula, ou Table de pierre, Lapidea tabula. ou Table de marbre, Marmorea tabula, ceu mensa, Mot assez cognu & vsité au Palais à Paris, & Table ronde, Circularis tabula vel mensa. Qui est vn mot rehaulsé & signalé és Romans & histoires Françoises à cause des Cheualiers de la Table ronde, mise en auant par Artus Roy d’Angleterre au lieu de Westmonstier, laquelle est faite endemies losenges vertes & blanches entremeslées, dont le large faisoit le bord, & la poincte
le centre d’icelle table. Ce qui estoit ainsi diuisé par ledit Roy, pour monstrer la grande proüesse de tous lesdits Cheualiers estre pareille, si qu’on n’eust sceu à qui en donner l’aduantage, & que l’innocence & integrité de coeur à maintenir & exercer cheualerie, estoit sans tache & en vigueur sans fener ni flaistrir en eux. On dit aussi Tenir table ronde, pour le mesme que nous auons dit cy dessus, Tenir table ouuerte. Nicole Gilles parlant du retour du Roy Philippe Dieu-donné, ayant obtenu la iournée d’aupres le pont de Bouynes : Tant cheuaucha le Roy qu’il vint à Paris : les Bourgeois, l’Vniuersité, les Colleges, les Eglises, Religions & Conuents allerent au deuant à grands triomphes, chantans loüanges, & trompettes, clairons, menestriers, toutes les cloches de la Cité sonnans, les ruës tenduës de tapisseries, & tous autres signes de triomphe & ioye : & toute la nuit estoyent allumées torches, falots, flambeaux & lanternes, tellement qu’on voyoit clair comme le iour, & tindrent table ronde à tous venans par l’espace de sept iours, à grads fraiz & despens, c’est à dire, bouche à court, table ouuerte à desfray à tous qui venir y vouloyent. Et en la vie de Charles septiesme : Tantost apres commencerent à sonner toutes les cloches de la ville, & chanter par toutes les Eglises, Te Deum laudamus. Et le soir fit l’on feu de ioye, & grande solennité, & par les carre fours tenoit on table ronde à tous venans. Mathieu de Westmonstier en son Flores Historiarum, prend aussi table ronde pour tournoy de Cheualiers armez en lices, escriuant des cas aduenus en Angleterre l’an 1252. Factum est hastiludium quod Tabula rotunda vocatur, vbi periit strenuissimus miles Herualdus de Munteinni. Liuius au 23. liure la descrit ainsi, Apparata conuiuia omnibus in propatulo aedium fuere.
Table ronde, ou vn rondeau de patissier, Magis magidis.
Table qui n’a qu’vn pied, Monopodium.
Table faite en forme de Croissant, comme celle qui estoit au cenacle hemicycle du palais du Cardinal du Bellay pres Termini à Rome, Sigma sigmatis.
Tables de bois madré, Pantherinae mensae.
Table de bois picoté, comme d’ordure de mousches, Apiata mensa.
Table à tous venants, ou Table ronde, Epularis mensa. B.
Tenant table à qui y veut aller, Conuiuator mensae cuique patentis, atque etiam non inuitatis obuiae. B.
Gens qui suyuent les bonnes tables & friandes, Asseclae mensarum extructiorum. B.
Ce sera pour la fin de la table, Hoc ferculum claudet conuiuium. B. ex Martiale.
Vne table sur laquelle n’y a point de viande, Inanis mensa.
Garnir les tables de beaucoup de mets, Extruere mensas epulis.
Estans leuez de table, Misso conuiuio.
Honeste table, Victus frugi.
Qui tient bonne table, Lautus homo.
Chiche table, Victus sordidus.
Table de quelque metail que ce soit, Lamina.
¶ Table pour ioüer aux dames, ou autre ieu de tablier, Calculus.
Ioüer la premiere table, ou Ioüer le premier, Primum calculum promouere. Liu. lib. 22.
¶ Table d’autel, Abaculus altaris. B.
¶ Vne table en laquelle est brieuement comprins ce qui est en vn liure, Index librorum.
Tablette, Tabella, Mensula.
Tablette cirée en laquelle les anciens escriuoyent, Tabula cerata, Pugillares, Palimpsestus.
Tablettes esquelles on escrit toute chose que ce soit sans ordre, pour apres la mettre au net dedans son papier iournal, Aduersaria, aduersariorum.
Toute tablette sur laquelle on escrit nombres d’arithmetique pour compter, comme on fait sur les ardoises, Abacus.
Tablettes où les anciens escriuoyent comme nous faisons en papier.
Les tablettes où le testament estoit escrit, Tabulae.
Les troux des tablettes de bois, esquels on met les marchandises chascune à part, Nidi.
Le ventre & la tablature d’vn luc, ou autre instrument semblable, Testudo.
Tableau de peinture, Picta tabula.
Vn tableau où estoient ces mots escrits, Incisa tabula his literis.
Le tableau où sont les noms de tous les Conseillers de la Cour, Album Curiae. B.
Tablier à iouer, Tabula lusoria, Alueolus, Alueus lusorius.
Vn tablier à iouër aux dez, Fritillus.
¶ Tablier de femme. Il vient de ce mot Table, car les femmes d'estat ceindent leurs tabliers seulement quand elles se veulent mettre à table, pour contre-garder leurs robbes Ventrale, huius ventralis. Hinc etiam Tablier pour vne grande nappe fort large.