Thresor de la langue françoise/Assaut
Assaut, m. Selon la composition & energie du mot, est, aggression faite à l’impourueu, & de volée à aucun. Et l’Italien & l’Espagnol disent aussi Assalto. Ainsi on dit, donner ou liurer l’assaut à vn homme, ou à vne place, ce que Vegece à l’vnziesme du premier de re militari, dit Assultare. Et, Il assaut vn homme, comme si on disoit, Il saut à luy, c’est à dire, Il se lance de saut sur luy. L’Espagnol appelle Salteador, ce que le François dit, Voleur, celuy qui de saut & de vol, c’est à dire, à l’impourueu se rue sur vn passager pour le destrousser.
L’assaut & assemblement de deux armées, ou vn assaut & effort de gens de guerre, Aggressio, Congressus, Impressio, Impetus, Insultus, Assultus.
Assaut qu’on baille contre vne ville, Oppugnatio.
Le siege & assaut dura iusques à la mi-nuit, Oppugnatio ad mediam noctem producta est.
Donner l’assaut, Aggredi.
Donner vn assaut & faire quelque fascherie, Dare pugnam.
Donner l’assaut à vne ville, Oppugnare.
Prendre d’assaut, Inuadere.
Au premier assaut, Primo impetu.