Page:Roches - Oeuvres.djvu/16

<poem> Qui dresse l'édifice, Qui le rend plus tortu, Qui embrasse le vice, Qui ayme la vertu.

Qui chemine en tenebre, Qui ayme la clarté, Qui ioint son iour funebre, A sa nativité.

Toute chose a son terme, Et ne le peut passer, L'inconstance est plus ferme Qu'on ne scauroit penser.

La seure sspience, Suit la grande union, Et l'humaine science N'est rien qu'opinion.

Les fleuues par leurs courses, De grans se font petits, Puis reprennent leurs sources Dans le sein de Tethys.

Le ciel, la terre & l'onde, Tout a mutation, Qui cause au petit monde Diuerse passion.