Rymes/Mon jour estoit assis tout aupres d’une

Pernette du Guillet

Mon jour estoit assis tout aupres d’une

Rymes, Tournes, 1545 (p. 38-39).

Mon Jour estoit assis tout aupres d’une,
L’entretenant a l’aise, & a repos,

D’affection non autre, que commune,
Mais comme on vient d’un a autre propos.
Voicy Amour sur eulx gay, & dispos,
Portant un arc, & traictz a la Gregeoise,
Lequel lascha deux motz a la Bourgeoise,
Et au partir lui dit, callimera :
Lors souspeçon en mon cueur myt grand noise,
Doubtant qu’il dist d’elle : qu’il l’aymera.