Rondeaux, Texte établi par Maurice RoyFirmin Didot (p. 156-157).


XVI


Doucle dame, que j’ay long temps servie,
Je vous suppli, alegiez ma doulour
Et mon complaint ne tenez a folour.[1]
Si soit par vous ma grief peine assovie.

Voiez comment pour vous amer desvie.
Je pers vigour, sens, manière et coulour,
Doulce dame, que j’ay long temps servie.

Ne n’aiez pas de moy grever envie,
Ou je mourray d’amoureuse chalour
Pour vo beauté et vo fresche coulour,[2]
Et pour ce adès pour eslongner ma vie,[3]
Doulce dame, que j’ay long temps servie.

  1. XVI. — 3 A2 Et me c.
  2. XVI. — 10 A1 P. vou b. — B et pour vostre valour
  3. — 11 B p. aloingnier