Rondeaux (Christine de Pisan)/II

Christine de Pisan

Que me vault donc le complaindre ?

Rondeaux, Texte établi par Maurice Roy, Firmin Didot, 1886 (p. 148).

II

Que me vault donc le complaindre
Ne moy plaindre
De la doulour que je port
Quant en riens ne puet remaindre ?
Ains est graindre
Et sera jusqu’à la mort.^[1]

Tant me vient doulour attaindre,
Que restraindre
Ne puis mon grant desconfort ;
Que me vault donc le complaindre ?

Quant cil qu’amoye sanz faindre
Mort estraindre^[2]
A voulu, dont m’a fait tort ;
Ce a fait ma joye estaindre,
Ne attaindre
Ne poz puis a nul déport ;
Que me vault donc le complaindre ?

1. II. — 6 B Et ce s.
2. — 12 A¹ estaindre