Rondeaux, Texte établi par Maurice RoyFirmin Didot (p. 147).

RONDEAUX


I (1396)


Com turtre suis sanz per toute seulete
Et com brebis sanz pastour esgarée ;
Car par la mort fus jadis séparée
De mon doulz per, qu’a toute heure regrette.[1]

Il a sept ans que le perdi, lassette,
Mieulx me vaulsist estre lors enterrée !
Com turtre suis sans per toute seulete.

Car depuis lors en dueil et en souffrete
Et en meschief trés grief suis demeurée.
Ne n’ay espoir, tant com j’aré durée.[2]
D’avoir soulas qui en joye me mette ;
Com turtre suis sans per toute seulete.

  1. I. — 4 A1 regraitte
  2. — 10 B Ne je n’e.