Recueil général et complet des fabliaux des 13e et 14e siècles/XCVI

Estula

Anonyme

Estula

Recueil général et complet des fabliaux des XIII^e et XIV^e siècles, Texte établi par Anatole de Montaiglon et Gaston Raynaud, Librairie des Bibliophiles, 1880, Tome IV (p. 87-92).

XCVI

ESTULA

Paris, Bibl. nat., Mss. fr., 837, fol. 227 v^oà 228 v^o, et
19152, fol. 51 r^o à 51 v^o ; Bibl. de Berne, Mss. 354,
fol. 116 r^o à 117 r^o.^[1]

1
Il estoient^[2] jadis dui frere
Sanz conseil^[3] de pere et de mere,
Et tout sanz autre^[4] compaignie ;
Povretez fu bien^[5] lor amie,
5Quar sovent fu en^[6] lor compaingne,
Et c’est^[7] la riens qui plus mehaingne
Cels entor qui ele se tient :
Nus si granz malages^[8] ne vient.
Ensamble^[9] manoient andoi
10Li frere, dont dire vous doi^[10].
Une nuit furent mout destroit
De soif et de fain^[11] et de froit ;
Chascuns de ces maus^[12] sovent tient
A cels qui povretez maintient.
15.I. jor se pristrent à pensser^[13]
Comment se porroient tensser
Vers povreté^[14] qui les apresse ;
Sovent lor fet sentir^[15] mesese.

Uns mout renommez riches hon^[16]
20Manoit mout près de lor meson :^[17]
Cil sont povre^[18], li riches fols
En son cortil avoit des chois,
Et en l’estable^[19] des brebis :
Andui se sont cele part mis.
25Povretez fet maint homme fol :
Li uns prent .I. sac à son col,
L’autres .I. coutel en sa main,
Ambedui^[20] se sont mis au plain.
L’uns entre el cortil^[21] maintenant,
30Puis ne vait gueres atardant,^[22]
Des chois trencha^[23] par le cortil.
L’autres se trest vers le bercil^[24]
For l’uis ouvrir : tant fet qu’il l’uevre^[25],
Avis li est que bien vait l’uevre,^[26]
35Tastant vait le plus cras mouton.
Mais adonc encor^[27] seoit on
En l’ostel, si c’on tresoï^[28]
L’uis du bercil, quant il l’ouvri^[29].
Li preudom apela^[30] son fil :
40« Va veoir, » dist il^[31], « el cortil,
Que il n’i ait rien se bien non :^[32]
Apele le chien de meson. »
Estula avoit non li chiens ;
Mès de tant lor avint il biens
45Que la nuit n’ert mie en la cort.^[33]
Et li vallès prenoit escout :
L’uis devers la cort ouvert a,^[34]
Et crie : « Estula^[35], Estula ! »

Et cil du bercuel respondi :
50« Oïl^[36] voirement, sui je ci. »
Il fesoit mout obscur et noir,
Si qu’il nel pot apercevoir^[37]
Celui qui si respondu a^[38].
En son cuer bien^[39] por voir cuida
55Que li chiens eüst^[40] respondu.
N’i a puis gueres^[41] atendu ;
En la meson droit s’en revint,^[42]
Grant paor ot quant il i vint :
« Qu’as tu, biau filz ? » ce dist li pere.
60« — Sire, foi que je doi ma mere,
Estula^[43] parla or à moi.
— Qui, nostre chien^[44] ? — Voire, par foi,
Et se croire ne m’en volez,
Huchiez le errant^[45], parler l’orrez. »
65Li preudom^[46] maintenant s’en cort
Por la merveille, entre en la cort.
Et hucha Estula^[47], son chien.
Et cil qui ne s’en^[48] gardoit rien,
Li dist^[49] : « Voirement sui je çà. »
70Li preudom grant merveille en a :
« Par toz sains et par toutes saintes,^[50]
Filz, j’ai oï merveilles maintes,^[51]
Onques mes n’oï lor pareilles^[52] :
Va tost, si conte ces merveilles^[53]
75Au prestre ; si l’amaine o toi.
Et li^[54] di qu’il aport o soi
L’estole et l’eve beneoite. »
Cil, au plus tôt qu’il puet, s’esploite

Tant qu’il vint en l’ostel^[55] au prestre.
80Ne demora gueres en l’estre^[56],
Vint au provoire isnelement :^[57]
« Sire, » dist il^[58], « venez vous ent
En meson oïr granz merveilles :^[59]
Onques n’oïstes lor pareilles^[60].
85Prenez l’estoie à vostre col. »
Dist le prestre : « Tu es tout fol,^[61]
Qui or me veus là fors mener ;
Nus piez sui^[62], n’i porroie aler. »
Et cil li respont^[63] sanz delai :
90« Si ferez, je vous porterai. »
Li prestres a prise l’estole^[64],
Si monte^[65] sanz plus de parole
Au col celui, et il s’en^[66] va
La voie : si comme il vint là^[67].
95Qu’il voloit aler plus briefment,
Par le sentier tout droit descent,
Là où cil descendu estoient,
Qui lor viande porchaçoient^[68].
Cil, qui les chols aloit^[69] coillant,
100Le provoire vit^[70] blanchoiant,
Cuida que ce fust^[71] son compaing
Qui aportast aucun gaaing ;
Se^[72] li demanda par grant joie :
« Aportes tu riens ? — Par foi, oie, »^[73]
105Fait cil qui cuida^[74] que ce fust
Son pere qui parlé eüst.
« Or tost, » dist il, « gete le jus^[75] :
Mes coutiaus est bien^[76] esmolus,

Je^[77] le fis ier moudre à la forge,
110Ja avra copée la gorge. »
Et quant li prestres^[78] l’entendi,
Bien cuida c’on l’eüst trahi :
Du col celui est jus saillis,^[79]
Si s’en fuit trestoz esmaris ;
115Mès son^[80] soupeliz ahocha
A .I. pel, si qu’il remest là,^[81]
Qu’il n’i osa^[82] pas tant ester
Qu’il le peüst du pel oster.
Et cil qui les chols ot^[83] coillis,
120Ne fu mie mains esbahis
Que cil^[84] qui por lui s’en fuioit :
Si ne^[85] savoit que il avoit ;
Et neporquant si va il^[86] prendre
Le blanc que il vit au pel pendre ;
125Si sent^[87] que c’est uns soupelis.
Atant ses freres est^[88] saillis
Du bercil atout .I. mouton.
Si apela son compaignon
Qui son sac avoit plain de chols ;
130Bien ont andui carchié les cols.
Ne voudrent plus lonc conte^[89] fere,
Andui se^[90] sont mis el repere
Vers lor ostel qui lor fu prest^[91].
Lors a cil moustré son conquest,
135Qu’ot gaaignié le soupelis ;^[92]
Si ont^[93] assez gabé et ris,
Que li rires lor fu^[94] renduz,
Qui devant lor fu^[95] desfenduz.

En petit d’eure Dieus labeure,
140Tels rit au main qui au soir pleure,
Et tels est au soir^[96] corouciez
Qui au main^[97] est joianz et liez.

Explicit d’Estula.

---

1. XCVI. — Estula, p. 87.

   A. — Paris, Bibl. nat., Mss. fr., 837, fol. 227 v^oà 228 v^o.

   B. — Paris,» Bibl. nat.,» Mss. fr.» 19152, fol. 51 r^o à 51 v^o.

   C. — Bibl. de Berne, Mss. 354, fol. 116 r^o à 117 r^o.

   
   

   Publié par Barbazan, III, 60, et par Méon, III, 393-397 ; et analysé par Legrand d’Aussy, III, 376-379.

   Ce fabliau porte par erreur dans le ms. B le titre de « Del Convoiteus et de l’Envieus », applicable à la pièce suivante, œuvre de Jean de Boves.

   
   

2. Vers 1 — B, Il se furent. C, Il furent.
3. 2 — B, C, Sans soulaz.
4. 3 — B, C, Et sans toute autre.
5. 4 — fu bien. B, C, ert mout.
6. 5 — B, Qui loz jors est en. C, En tot l’anz ert [en].
7. 6 — B, Ce est.
8. 8 — B, si greveus mehainz. C, si trés grevous maus.
9. 9 — B, C, A escot. — B, vivoient. C, manjoient.
10. 10 — vous doi. C, dui.
11. 12 — B, C, De fain et de soi.
12. 13 — maus. B, mès. — tient. C, vient.
13. 15 — B, C, Lors se prenent à porpenser.
14. 17 — povreté. B, C, famine. — apresse. B, gerroie. C, engoisse.
15. 18 — B, C, En famine à mout grant. — B, desroi[e]. C, engoisse.
16. 19 — B, C, .I. riches hom mout. — B, renomez. C, asazez.
17. 20 — B, C, Mahoit assez près de lor mès.
18. 21 — B, C, S’il fust povres. — B, se il fust fols. C, il fust des fous.
19. 23 — l’estable. B, son bergil. C, son bercil.
20. 28 — B, C, Par .I. sentier saillent. — B, du plain. C, au plain.
21. 29 — B, C, El cortil est li uns. — B, sailliz. C, s’asiet.
22. 30 — B, Qui qu’en poist ne qui qu’il enuit. C, Qui que il poist ne cui il griet.
23. 31 — B, trenchent. C, tranche.
24. 32 — C, près do bercil.
25. 33 — C, tant que il l’ovre.
26. 34 — B, C, Lors li sanble que bien vient l’oevre.
27. 36 — C, encor adonc.
28. 37 — B, En la maison si qu’il oï.
29. 38 — B, tant qu’il ovri.
30. 39 — B, C, Li vileins apele.
31. 40 — B, C, « Va, » fait il. — B, « dedenz le cortil. C, « oïr au bercil. »
32. 41-44 — Ces quatre vers sont remplacés dans B :

    S’apele le chien en maison. »
    Estula li chiens ot à non.

    et dans C :

    Si apele Estul’ à maison. »
    Estula li chiens avoit non.

33. 45 — B, N’avoit meillor en nule cort. — Ici comme dans A, il y a assonance, et non rime. — Ce vers et le suivant manquent dans C.
34. 47 — C, Et li vallet cele part va.
35. 48 — B, Si hucha son chien. — C, S’apele Estula.
36. 50 — B, « Par foi.
37. 52 — B, Si que cil nel pot percevoir.
38. 53 — B, C, là li respondi.
39. 54 — B, C, Mais en son cuer. — B, pensa de fi. C, de voir cuidoit (ne rime pas).
40. 55 — B, l’eüst.
41. 56 — B, N’a plus ilueques. C, N’i a plus iluec.
42. 57-58 — Remplacés dans B:

    Mais en maison s’en vient le cors,
    Pasmez dut estre de poors.

    et dans C :

    Mais arrieres est retornez ;
    De paor dut estre pasmez.

43. 61 — B, Nostre chien.
44. 62 — B, Qui ? Estula ?
45. 64 — errant. B, C, ja.
46. 65 — C, Li vilains.
47. 67 — B, Si huche Estula à. C, Si ap[ele] Estula
48. 68 — B, C, ne se.
49. 69 — B, C, Respont.
50. 71 — B, C, « Beaus filz, par esperites saintes. »
51. 72 — B, C, J’ai oï aventures maintes.
52. 73 — B, sa pareille. — C, Ainz à ceste n’oï paroille.
53. 74 — B, C, la merveille.
54. 76 — B, C, Si li.
55. 79 — C, à l’ostel à.
56. 80 — C, à estre.
57. 81 — B, Ainz vint chiés le provoire errant. C, Ainz s’an vient au prestre tot droit.
58. 82 — dist il. B, par Dieu. — C, Si li dist : « Venez orandroit. »
59. 83 — C, Oïr en maison la merveille.
60. 84 — C, sa paroille.
61. 86 — B, C, Li prestres dist : « Ge te quit fol. (« te » manque à B.)
62. 88 — B, C, Deschauz sui. — B, si n’i puis aler. C, si ne puis aler.
63. 89 — C, Et cil respont tot.
64. 91 — B, C, s’estole.
65. 92 — C, Et monte.
66. 93 — B, C, cil s’en. — B, vait.
67. 94 — là. B, vait.
68. 98 — B, C, querre aloient.
69. 99 — B, des chols aloit. C, aloit les chos.
70. 100 — B, C, Vit le provoire.
71. 101 — B, C, Si cuida ce fust.
72. 103 — B, C, Si.
73. 104 — C, Aportes rien ? — Que se devoie.
74. 105 — C, cuidoit.
75. 107 — B, gete tost jus. C, gitiez lo jus.
76. 108 — bien. C, toz.
77. 109 — B, C, Jel. — B, esmorre. C, [es]modre.
78. 111 — B, Quant li prestres ce.
79. 113-114 — Remplacés dans B :

    Sailli est jus du col celui
    Qui n’en est mie mains de lui
    Que cil qui n’est, s’en est foïz ;
    Le prestre est el santier sailliz.

    et dans C :

    Sailliz est jus del col celui
    Qu’il nen ot mie mains de lui.
    Qui tot maintenant s’an foï.
    Li prestes el santier sailli.

80. 115 — B, C, Mès ses. — B, soupliz i escota. C, sorpeliz atacha.
81. 116 — B, C, Si qu’il li laissa.
82. 117 — n’i osa. B, ne li lust.
83. 119 — C, ot les chos.
84. 121 — C, Et cil. — B, C, fuioient.
85. 122 — B, C, Qu’il ne. — C, savaient. — B, qui i estaient. C, qui il estaient.
86. 123 — B, s’ala il. C, si ala.
87. 125 — B, Si sost. C, Si saut.
88. 126 — est. B, fors. — C, Et ses freres est fors.
89. 131 — B, Ainz ni vaudrent lonc conte. C, Iluec n’osent lonc sejor.
90. 132 — B, C, Einçois se. — B, mistrent el. C, mestent au.
91. 133 — B, près lar est. — C, Vers l’ostel qui estait bien près.
92. 135 — B, C, Qu’il gaaigna lor soupeliz. — « lor » manque à B. — Ce vers et le suivant sont intervertis dans B.
93. 136 — B, C, S’en ont.
94. 137 — fu. B, C, est.
95. 138 — fu. B, C, ert.
96. 141 — soir. B, mein. — Ce vers et le suivant manquent à C.
97. 142 — main. B, soir.
    
    

    Cette histoire, que Paul-Louis Courier s’est appropriée, existe aussi dans Bonaventure Desperriers ; une partie de l’aventure est reproduite dans les Contes de la Reine de Navarre (nouv. 34). Le sieur d’Ouville et Imbert l’ont imitée depuis.