Cop. B. R. Fonds Leydet. Mém. mss. sur Geoffroy de Vivans, p. 76.
Monsr de Vivans, Encore que je ne doubte point que vous n’ayez des affaires qui vous pressent, si est-ce que, pour estre aujourd’huy le temps incertain, et la disposition et estat des affaires peu asseuré, j’ay bien voulu vous faire la presente pour vous prier de ne departir encores de la ville de Perigueux, jusqu’à ce que nous voyons les humeurs de ce pays mieulx rassises et quelque meilleure esperance d’entretenement de paix. J’ay aussy envoyé les memoires qui m’ont esté nagueres aportés des plainctes et doleances des habitans de Perigueux à la Court, afin d’entendre sur iceluy la response et volonté du Roy mon seigneur, pour aprés y pourveoir. J’ay ordonné aussy pour le gouvernement et commandement de ladicte ville en vostre absence, que je desire estre suivy, puisque par cy devant il a eu lieu en semblable cas[1], vous priant plus que jamais avoir l’œil à la conservation de ladicte ville et faire tousjours estat de moy, etc.
De Nerac, ce xxve d’apvril 1578.
- ↑ « Est-ce lorsque le sieur d’Arros y resta ? C’est l’explication de la différence entre les Mémoires de Vivans et les registres de l’hôtel de ville. » (Leydet.)