ſonne. Deſſouz ne ſçay quels autres arbres, ie vis certaines eſpeces d’herbes, leſquelles croiſſoient comme piques, lances, iauelines, halebardes, vouges, pertuizanes, rançons, fourches, eſpieux : croiſſantes haut, ainſi qu’elles touchoient à l’arbre, rencontroient leurs fers & allumelles, chaſcune compeſante à ſa forte. Les arbres ſuperieurs ia les auoient appreſſees à leur venue & croiſſance, comme vous appreſtez les robes des petis enfans, quand les voulez deſmailloter. Afin que deſormais n’abhorrez l’opinion de Platon, Anaxagoras, & Democritus[1] (Furent-ils petis philoſophes ?) ces arbres nous ſembloient animaux terreſtres, non en ce differentes des beſtes, qu’elles n’euſſent cuir, graiſſe, chair, veines, arteres, liguamens, nerfs, cartilages, adenes[2], os, mouelle, humeurs, matrices, cerueau, & articulations, congneues : car elles en ont comme bien deduit Theophraſte : mais en ce qu’elles ont la teſte, c’eſt le tronc, en bas : les cheueux, ce ſont les racines, en terre : & les pieds, ce ſont les rameaux, contremont : comme ſi vn homme faiſoit le cheſne fourcheu. Et ainſi comme vous, verollez, de loin à vos iambes iſchiatiques, à vos omoplates, ſentez la venue des pluyes, des vents, du ſerain, tout changement de temps : auſſi à leurs racines, caudices[3], gommes, medulles, elles preſentent quelle forte de baſton deſſouz elles croiſt & leur preparent fers & allumelles conuenantes. Vray eſt qu’en toutes choſes (Dieu excepté) adulent quelquefois erreur. Nature meſme n’en eſt exempte quant elle produit choſes monſtrueuſes & animaux difformes. Pareillement en ces arbres ie notay quelque faute, car vne demye pique croiſſante hors en l’air ſouz ces arbres ferrementiportes, & en touchant les rameaux, en lieu de fer, rencontra vn ballay : bien ce ſera pour ramonner
Page:Rabelais marty-laveaux 03.djvu/47
Le texte de cette page a été corrigé et est conforme au fac-similé.
39
chapitre ix
![](http://upload.wikimedia.org/wikipedia/commons/thumb/f/f5/Rabelais_marty-laveaux_03.djvu/page47-1024px-Rabelais_marty-laveaux_03.djvu.jpg)