Le texte de cette page a été corrigé et est conforme au fac-similé.
375
La mesme matiere qui cause argiler toutes terres, est cela mesme qui cause que la terre de marne fait produire et vegeter les fruits és terres steriles.
Par les moyens mis en ce liure on pourra trouuer de la terre de marne en toutes prouinces.
Toutes choses, quelques compactes ou alizes qu’elles soyent, sont poreuses.
La momie des modernes n’est que charongne. 244
Le plombusti des modernes n’est fait au debuoir.
Les architectes et sculpteurs ne prennent occasion de se glorifier sinon en ce qu’ils sçauent imiter les inuentions des payens, et veulent estre honorez comme inuenteurs.
Les œuures plus vaines des humains sont les plus estimées.
De chose que la langue ne peut faire attraction de saueur, le corps n’en sçauroit prendre nourriture. 230
Comme le corps est suiect à corruption il veut estre nourri de choses corruptibles. 230
S’il n’y auoit du cinquiesme susdit en la prunelle de l’œil les lunettes ne pourroyent ayder à la veüe. 335
Tout ainsi que Dieu a ordonné qu’en chacune semence il y a toutes matieres requises pour la generation des nouuelles auenir, comme dans la semence de l’œuf est comprins le blanc, le iaune et la coquille, et és noyers les noix, la robbe d’icelle, la coquille, l’arbre, fueilles et branches : lesquelles matieres inconnues se font apparoir en leur maturité : semblablement la chair, les os, le sang et toutes les parties de l’homme sont contenues et encloses en vne, et comme Dieu a ordonné de separer les matieres de pierres en dureté, semblablement la matiere des os de l’homme et de la beste sont endurcies, et aussi en partie de la matiere lapidaire : ce que l’on peut veoir par les coquilles des œufs et par les os de pieds des mouton et plusieurs autres bestes, desquelles les os resistent mieux au feu que nulle pierre que l’on puisse trouuer.
Le mitridat des anciens n’estoit composé que de quatre simples. 234
Trois cents tant de simples que les modernes mettent à leur mitridat ne sçauroyent s’accorder : Comme toutes les couleurs d’vn peintre broyé ensemble n’en sçauroyent faire vne belle. 232
