quoy, Messrs, vous me trouverés tousjours prest et disposé de tenir la main et d’employer l’auctorité qu’il a pleu à Dieu et au Roy mon seigneur me donner pour l’entiere observation de la dicte paix, vous conserver en toute seureté vos privileges, commerce et negociations, et faire chastier et punir tous contrevenans, de quelque qualité ou religion qu’ils soient, sans acception de personnes, ainsy que j’ay donné charge au dict sr Constant vous exposer plus particulierement, vous priant le croire comme moy mesme, et Dieu, Messrs, vous avoir en sa trez saincte et digne garde. De Chastillon[1], ce xiije janvier 1581.
Orig. – Arch. de la famille de Fortisson. Copie transmise par M. Jubé, sous-chef de bureau au ministère de l’Instruction publique.
Capitaine Fortisson, J’ay pourveu le sr de la Mothe de la capitainerie de Tartas, par la resignation que luy en a faicte le capitaine ..... dont je luy ay faict expedier les [tiltre] et provisions ; suivant lesquelles il s’en ira au dict Tartas, pour en prendre possession. À ceste occasion je vous ay bien voulu escrire ceste-cy, pour vous mander que vous ayés à mettre le chasteau entre ses mains, ensemble les pieces d’artillerie, pouldres et munitions, armes et tout ce qui y est dedans, sans en estre transporté aulcune chose. Je me sens au reste si satisfaict du bon debvoir que vous avés faict en la garde et conservation du dict chasteau que, sy, estant l’occasion
- ↑ Le même que Castillon. Voir la note de la lettre précédente.
- ↑ Petite ville de Gascogne, aujourd’hui du département des Landes.
