voit. Chacun[1] sçait le pris proposé à Thoulouze aux Jeux Floraux [2] qui furent instituez par ceste noble Dame[3] Clemence Isore à celuy qui seroit trouvé avoir mieux faict des vers[4], lequel est gratifié de l’Eglantine[5] *. Mais[6] combien que ce prix ne se donnast qu’à ceux qui se presentoient, et qui avoient faict experience d’un gentil esprit en la Poësie sur le champ, toutefois[7] de la franche et pure liberalité du Parlement et peuple de Tholouze, entre lesquels monsieur de Pibrac[8] tenoit lors un des premiers rangs *, et par decret public, pour honorer la Muse immortelle de Ronsard[9], qu’ils appelerent par excellence, le Poëte François[10], estimant l’Eglantine trop petite pour un si grand Poëte, lui envoyerent une Minerve d’argent massif de grand pris et valeur * : laquelle[11] Ronsard ayant reçeuë, presenta au Roy[12], qui l’eut fort agreable, l’estimant d’avantage[13] qu’elle ne valoit, pour avoir servy de marque à la valeur infinie d’un tel personnage, loüant[14] aussi le faict des Tholousains qui fort prudemment presentoient la Minerve[15] à celuy qui estoit le plus doüé de ses presens *. Ronsard[16] leur envoya en recompense l’Hymne de l’Hercule Chrestien[17] *.
Apres la mort du Roy Henry *, le Roy François deuxiesme, son fils, luy ayant succedé, les troubles commencerent à s’eslever en France, souz pretexte de Religion : qui donna[18] occasion à Ronsard de s’opposer à ceste nouvelle opinion, et armer les Muses au secours de la France, faisant voir le jour à ses remonstrances *, qui[19] eurent tant d’efficace pour combatre les ennemis de l’Eglise
- ↑ A recevoit : chacun
- ↑ A jeus floraux
- ↑ C par ceste gentille Dame
- ↑ BC en vers
- ↑ C de l’Eglantine, le suivant du soucy, et le troisieme de la violette :
- ↑ A Eglantine, mais
- ↑ C de leur gentil esprit en la Poësie, toutefois
- ↑ BC le sieur de Pibrac
- ↑ 1604-1630 la Muse de Ronsard
- ↑ C par excellence le Poëte François
- ↑ A valeur, laquelle | C de grand prix, laquelle
- ↑ C au Roy soubz le nom de Pallas, présent convenable à ses valeurs
- ↑ B beaucoup d’avantage | C beaucoup davantage
- ↑ AB personnage : loüant
- ↑ C le fait de la Palladienne Thoulouse qui fort prudemment presentoit la Minerve
- ↑ A de ses presens : Ronsard
- ↑ C l’Hynne de l’Hercule Chrestien qu’il adressa à Odet Cardinal de Chastillon, lors ar[c]hevesque de Thoulouse, son Mœcene, et qui avoit esté des premiers qui donna l’entrée à la reputation de sa Poësie en Cour *.
- ↑ AC Religion, qui donna
- ↑ A remonstrances qui | B Remonstrances, qui
