En l’estable entrarent o son li auferant.
Çascun ne prende qi li vent à talant ;
E qi ait mal çival si le vait cançant.
A K. maine tole son auferant
Q’elo çivalçe à stormeno en cant.
Et al dux N. font lo somiant(*)
Et à li altres qe son plus en avant.
Li ses lasarent qe non valent niant,
E meinent qui qi son bon e grant ;
Ne s’en perçoit escuer ni sarçant.
E quando i trovent le çivaler en dormant,
I le tolent le arme e li guarnimant
E le espée cun tot le vestimant.
Ne le lasent or coito ni arçant.
Tel fu la soire richo e manant
Qe à la deman, à l’aube aparisant,
No s’atrovo un diner valisant.
Robé furent d’avoir et d’arçant.
Varocher s’en torne, quando il oit robé
Tota la tende de K. l’inperé ;
E si ne moine son corant destré,
E si le oit en so çanço lasé.
