« Tot por l’amor de vo nobilité
« Aura de vos l’emperere pité.
« De moi méisme en sera il proié.
« Mais si voil je, quant vos le conterés,
« Li rois soit ci prendroit acostés (*)
« Et li dus Naimes et des autres asés,
« Que autrement n’en seriés amendés
« N’onques li chiens ne vos auroit laissié,
« Que ci a voir un miracle de Dé :(*)
« Quant par un chien fu tés hom afolés,
« Donques vuet il séus soit li pechiés
« De tote gent, et des boins et des mels. » (*)
Et dist Macaires : « Faites vo volenté. »
Donc à le roi li abes apelé
Et duc Naimon dou duché de Baivier,
Ses fist venir trestos, et boins et mels,
Por de Macaire entendre le pechié.
Or orrés ja coment il ot ovré
Li fel traïtre qu’en male ore fu nés.
Et dist li abes : « Ore si comencés,
« Dites le voir, et ne me soit celés,
« Que je sai bien com de l’oevre est alé,
« Que la roïne bien me l’avoit conté
« Ce que fesis et devant et derrier. »
Et dist Macaires : « Ne dirai fauseté,
« Mais faites tant que m’ait li chiens laissié. »
Et dist li rois : « Tu as bien meserré ; (*)
Page:Anonyme - Macaire, chanson de geste.djvu/291
Le texte de cette page a été corrigé et est conforme au fac-similé.
1156—1182
99
Macaire.
![](http://upload.wikimedia.org/wikipedia/commons/thumb/a/a2/Anonyme_-_Macaire%2C_chanson_de_geste.djvu/page291-1024px-Anonyme_-_Macaire%2C_chanson_de_geste.djvu.jpg)