Page:Anonyme - Macaire, chanson de geste.djvu/245

597—623

53

Macaire.

« Que une fois que j’iere à deporter,
« En un jardin, mal me fu encontré.
« Li fel Macaires si me vint acoster,
« De druerie me prist à apeler
« Si come faus et malvais renoiés.
« Et je vers lui me soi je bien tenser,
« Et malement li respondi arrier,
« Se tel raison me venist mais conter,
« A mon segnor l’iroie deraisnier.
« Or savés vos que me fist cil maufés ?
« Le nain me prist tantost à envoier
« O les paroles que ja me vout conter.
« Et je le nain oi je moult bien paié,
« Dont il en ot le chief ensanglenté.
« Et en après cil cuivers renoiés
« Avec le nain se prist à conseiller ;
« Ens en ma chambre le mist il à celé. (*)
« Quant fu li rois à matines alés,
« S’en vint li nains ens en mon lit couchier
« Si que li rois l’i trove au repairier.
« Je me dormois, si n’oi qu’espoenter
« Quant le roi vi o d’autres chevaliers.
« Adont me vont et saisir et loier (*)
« Et à morir en feu ardent jugier,
« A moult grant tort et à mortel pechié.
« Or vos ai dit tote la verité ;
« Dont vos pri je, sire abes, par pité,