1Pource que Adam avoit Dieu offencé
Par le moyen de Éve première femme,
Fust a Marie un messaige annoncé
Par Gabriel humblement sans diffame,
En luy disant : « Ma singuliére dame, 5
« Le roy des roys, des humains formateur,
« De ton sainct corps de long temps amateur,
« Aura ung filz sans nulle violence,
« Des mal vivans supernel correcteur,
« Des biensheureulx la parfaicte esperance » 10
❦
2« Comment cela », respond Marie alors ?
« En doubte suys de si haulte nouvelle ;
« Impossible est, car jamais de mon corps
« Homme n’aura seigneurie ou tutelle,
« Pource que suys[1] et veulx estre pucelle 15
« Tout mon vivant ; voyla mon seul espoir,
« Et doibt de vray le tien seigneur avoir
« La cure et soing chercher aultre acointance.
Biiij« J’ay un espoulx (l’aimer feray debvoir),
« Des biensheureulx la parfaicte esperance. » 20
❦
3L’ange respond : « Dame, ne doubte en riens ;
« Le sainct Esprit en fera l’ouverture
« Et concepvras par ses divins moyens
« Ung filz sans per d’angelicque ornature.
« Quant aura faict de tes flans ouverture, 25
« Tu ne perdras ce doulx nom de pucelle,
« Et s’y n’auras du laict en ta mamelle
« Pour alaicter la gentille jouvance
« De ton enfant (que point vers toy ne scelle)
« Des biensheureulx la parfaicte espérance. » 30
❦
4— « Doulx messagier, selon le tien esdit
« Je me consens estre faict sans demeure »,
Respond la Vierge, et lors le sainct Esprit
Du filz de Dieu ordonna le demeure.
Neuf moys porta son fruict, la chose est seure, 35
Puis l’enfanta sans douleur ny sans peine,
Ce que ne faict une aultre femme humaine,
Mais de son corps print la seulle regence
Son pére et filz du supernel domaine,
Des biensheureulx la parfaicte esperance. 40
❦
5Les pastoureaulx le vindrent adorer
En Bethleem, une ville en Judée ;
Trois roys aussi pour son nom decorer
Y sont venuz sans faire demourée,
voLesquelz presens a la Vierge honnorée 45
Ont presenté par grant devotion.
Or prions tous la fille de Syon
Prier son filz, tant remply de clemence,
De nous donner du ciel possession,
Des biensheureulx la parfaicte esperance. 50
|
