1Doulce nouvelle en la terre adnoncée
Pour des humains oster le grief dangier,
Envers Marie en doulceur prononcée
Par Gabriel, gracieulx messagier,
Qui du Seigneur, sans vouloir trop songer, 5
Narra l’esdit par divine eloquence,
Dont Marie eut, ung mot tout abreger,
Craincte en son cueur, entendu la sentence ;
❦
2Mais, sans demeure, en certaine asseurance
Par Gabriel fut mis son noble cueur, 10
Dont print Marie en soy rejouyssance,
Se submectant au vueil du createur ;
Lors le Seigneur, des humains formateur,
Aux dignes flancs de sa benigne ancelle
Se vint logier, l’escritpt n’en est menteur, 15
Sans luy oster ce doulx nom de pucelle.
❦
3Neuf moys Marie en ses flancs sans faintise
Le Messias porta entiérement
Et au nefviesme, ainsi que le devise
Le roy David, l’enfanta sans tourment ; 20
Lors le adora Marie promptement
Comme seul roy qui regist tout le monde ;
voLe bon Joseph aussi pareillement
L’a adoré d’ung cueur parfaict et monde.
❦
4Lors la nouvelle aux pasteurs fut portée, 25
Qui les esmeust laisser leur beste aux champs ;
Par armonie en doulceur gringotée
Ont faict sonner leur pastoural deschantz ;
Bien tost après on les veit desmarchans,
Chascun tenant s’amye ou pastourelle, 30
D’ung cueur parfaict et tresjoyeulx marchans
Pour aller veoir Marie la pucelle.
❦
5Par une estoille aussi trois roys notables
Ce sont partys de leur terre en desroy
Et l’acouchée en verité, sans fables, 35
Sont venus veoir, aussi le petit roy.
Roy Herodes, remply de desarroy,
Par fin despit, ainsi comme hors de sens[1],
Soubz Attropos et son mortel charroy
En fist mourir grand nombre[2] d’innocens. 40
❦
6Prions la belle es sainctz cieulx couronnée
Prier son filz pour nous, povres pecheurs,
Car elle est seulle en qui est ordonnée
Toute vertu, maulgré tous detracteurs ;
Mais, nous monstrant de son nom amateurs, 45
Sans varier la bonne congnoissance,
Par son moyen nous serons detenteurs
AiiijDe paradis, immortel demourance.
|
