Les Œuvres de Mesdames Des Roches/Madeleine des Roches/Sonnet 14
Abel L'Angelier, (p. 33).
Les legitimes Rois ſont enuoyez des Cieux
Pour Lieutenans de Dieu, en ſûpreme puiſſance :
Ils ioignent la rigueur à la douce clemence,
Car la ſaincte Iuſtice eſt mignonne des Dieux.
Sire, le tige ſainct des antiques ayeux,
Qui vous ont miſe au chef la couronne de France.
Ont tenu l’un & l’autre en egale balance,
Et ieune vous paſſez l’honneur des ſiecles vieux.
Voſtre effigie entr’eux n’a point trouué de place
Au Palais de Paris : la vertu & la grace.
Vous ont plus qu’à eux tous d’heur & bõneur promis.
C’eſt qu’apres voz ans vieux Dieu prenant l’ame inſigne,
Voſtre corps dãs le Ciel ſera faict nouueau ſigne,
Et ſur les ſaincts autels voz portraicts ſeront mis.