Les Œuvres de Mesdames Des Roches/Madeleine des Roches/Sonnet 13
Abel L'Angelier, (p. 32).
Ce Roy dont la vertu eſt d’autant admiree
Comme plus rarement on la voit imiter,
N’eſt point enfant de Mars, Mercure, ou Iupiter,
Conceu de flame, foudre, ou de pluye doree.
Vne Louue n’a pas ſa mammelle tiree
Pour à ſes ieunes ans nourriture preſter,
La cheure ou la brebis, ne luy ont faict gouſter,
La prudente douceur de ſa foy reueree.
Sa volonté ſans plus eſtoit la blanche Chartes
Et l’immortel cizeau des iuſtes loix de Sparte,
Auſſi fut-il amy de la diuinité.
Mais de ces demi-Dieux l’vn a tué ſon pere,
L’autre a debandé l’arc contre ſa propre mere,
L’autre a baſti de ſang les murs de ſa Cité.