Les Œuvres de Mesdames Des Roches/Madeleine des Roches/Epitaphe de feu maistre François Eboissard seigneur de la Villee son mari
Épitaphe de feu maiſtre François Eboiſſard ſeigneur de la Villee ſon mary.
evx-tu ſçauoir paſſant, quel a été mon eſtre,
Scaches que la nature, & fortune, & les Cieux,
Noble, riche, & ſcauant autrefois m’ont fait maiſtre,
Me rendant poſſeſſeur de leurs dons precieux.
Apres auoir veſcu d’une louable vie,
Ie fus pris d’vn catere, & maintenant le fort
Des Parques me guerit de ceſte maladie :
Ie mourois en ma vie, & ie vis en ma mort,
Ie fus trente ans Breton, vingt & huict mon espouſe
Me retint dans Poetiers lié de chaſte amour,
Mon ame deuant Dieu maintenant ſe repoſe,
Et mon corps en ce lieu attend le dernier iour.
Mon corps n’est pas tout ſeul ſouz ceſte froide tombe
Le cœur de ma compaigne y giſt auec le mien,
Iamais de ſon eſprit noſtre amitié ne tombe,
La mort ne trenche point vn ſi ferme lien.
Ô Dieu, dont la vertu dedans le Ciel encloſe
Encloſt meſme le Ciel, vueillez que ma moitié
Toutes ſes actions heureusement diſpoſe,
Honorant pour iamais noſtre ſaincte amitié.