Le Mespris de la vie et consolation contre la mort/« Si la mort contre nous en sentinelle assise »
Le Mespris de la vie et consolation contre la mort
CXLV.
Si la mort contre nous en sentinelle assise
Estoit un ennemis qui se peut eviter,
Je conseillerois bien aus hommes d'emprunter
Les armes de la peur, & de la couardise :
Mais puisque du fuyart la fuitte elle mesprise,
Et vient sans resistance aussi tost supplanter
La jeune adolescent, que le viel surmonter
Dequoy nous sert BUSON, nostre faineantise ;
Hantons la suivons la, au broncher d'un cheval
A la pente d'un mont, aus descentes d'un val
Au picquer d'une espingle, au tomber d'une thuile
Pensons quelle nous tient, nous treuverons alors
Ce que nous estimions en nous mesmes discors
Difficile à passer, à passer bien facile.