La Source et origine des cons sauvages/05
Diuerſes oppinions de la diuerſité des
Cons ſelon aucuns Docteurs.
CHAPITRE III.
E la diuerſité de ces Cons longs
moyens, ronds, & autrement figurez,
les Docteurs en ſont de diuerſes oppinions,
les vns diſent que cela procede
de la diuerſité des complexions, allegant
Auicenne & Hipocrate, diſant que femmes
coleriques ſont volontiers longues &
greſles, & ont le Con maigre, thiſic, &
de longue ouuerture. Les melancoliques,
ſeiches & eduſtes comme vn baſton de
four, lont communement ſi treſ-mal baſti,
que lon ne ſçait que c’eſt, ſinon qu’en
le taſtant on iuge par conjecture qu’il y a
quelque ouuerture entre deux maloſtrues
pieces d’os, ou de bois mal ordonnez comme
vn cheuron rompu. Et de ces deux
ſortes de con ainſi mal eſquippez, parent
deux martiallemenr ſe treuue des cons
engreſſez, cons barrez, cons cheuronnez,
Cons girondez, cons empalez, cons grenelez,
dont les deſchifremens ſont declaration, parquoy ie m’en tais, &
ſi telles creatures deuiennent fort veilles,
vous leur treuuerez les Cons ridez, vermoluz,
& de tels cons, ie les ay, & effacez,
& du tout adnichilez, ie n’en fait
point d’eſtime. Les pures flegmatiques
ſont volontiers courtes & trapes, & ont
le Con gros & enflé. il ſemble communement
qu’il ſoit embouré d’eſtoupes, & ne
rebondiſt point. Les pures ſanguines ſont
de mediocre ſtature, & l’ont d’vn volume
aggreable & plaiſant, en fendeure & en
motte, & ſont volontiers alaygres, & toutes
appareilles, auecques vne plaiſante, &
amiable promptitude d’endurer l’aſſaut
s’il eſt expedient. Mais celles qui ſont ſanguines
flegmatiques, compactées en deuë
proportion, & amiable concordance
d’humeurs, ſont de competente ſtature,
ne trop grandes, ne trop petites, & ont le
Con au deuoir enflé, gros mouflu, reſpondant
treſ-bien à ſon homme : & tels
Cons ſe peuuent meritoyrement appeller
cons domeſtiques, tous propre au meſnage,
à les employer, & auſſi bien aux
champs qu’à la ville, & aux feſtes comme
aux iours ouuriers : & ſont leſdicts Cons
inſtralement enclins & preparez s’il eſt beſoing, comme ſouuentes-fois il aduient
à comparoiſtre entre deux portes, & telles
femmes prennent grand plaiſir & delectation,
quand on les fait hermofrodites
Et pour les garder de tomber, en ſuffocation
ou deſcendue martialle, c’eſt le ſecret
de ſouuent les flebothomer de la veine
du milieu, car elles le meritent. Ie me tais
des Cons des boyteuſe, qui ſont faict en
§, & qui font la gargouille : car ſelon les
complexions qu’elles tiennent, ils peuuent
participer des bontez, ou malheurs
des Cons cy-deſſus dechiffrez.