Iconologie (Cesare Ripa, 1643)/II/Enuie

Envie.


L’Envie, qui s’attriſte ordinairement du bien du Prochain, autant qu’elle ſe reſioüit du mal qui luy arriue, fait voir l’vn & l’autre de ces effets par le Serpent qui luy ronge la mammelle gauche, & par l’Hydre qu’elle careſſe : Car comme ce monſtrueux Animal ayme naturellement à infecter de ſon venin tous ceux qui l’approchent ; l’Enuieux de meſme par vne ſecrette Contagion ſe plaiſt à perdre les plus gens de bien, ſans eſpargner ſes plus proches, ny ceux dont il fait ſemblant d’eſtre Amy.