Iconologie (Cesare Ripa, 1643)/II/Concupiſcence

Cesare Ripa

Iconologie où les principales choses qui peuvent tomber dans la pensée touchant les Vices et les Vertus sont représentées sous diverses figures

Traduction par Jean Baudoin.
1643 (p. 150-151).

Concvpiscence.

L’Embleme de la Concupiſcence ſe voit icy ſous la Figure d’vne Femme preſque nuë, dont les cheueux ſont treſſez auec art, & qui eſt aſſiſe ſur vn Crocodile, tenant d’vne main vne Perdrix qu’elle careſſe. Elle eſt peinte nuë, dautant que c’eſt le propre de ce Vice de ne deſpoüiller pas ſeulement le Corps des biens de Fortune, mais encore l’Ame de ſes plus precieux ornemens, tels que ſont l’Honneur, la Liberté, la Prudence, la Sageſſe, & ainſi des autres dons qu’vne paſſion aueugle luy fait perdre entierement. I’obmetz que le Crocodile ſur qui elle eſt montée, & la Perdrix qu’elle amadouë, ne luy conuiennent pas mal, pource que ces