Iconologie (Cesare Ripa, 1643)/I/Laẞitude
![](http://upload.wikimedia.org/wikipedia/commons/thumb/0/0a/Ripa_-_Iconologie_-_1643_-_p._99_-_lassitude.jpg/250px-Ripa_-_Iconologie_-_1643_-_p._99_-_lassitude.jpg)
Lassitude. CXV.
’Est vne Femme fort maigre, legerement veſtuë, &
qui a la gorge deſcouuerte. Elle s’appuye de la main
gauche ſur vn Baſton, & tient de la droite vn Eſuentail,
dont il ſemble qu’elle s’euente.
La Laſſitude dont nous parlons, qui n’eſt point cauſée de maladie ; mais d’vn trop violent exercice, ou d’vne raiſon trop chaude, eſt dépeinte maigre, pource que la ſanté du corps venant à l’exhaler par le moyen de la chaleur, il faut neceſſairement qu’elle ſe deſſeiche.
Son habillement, & ſon ſein deſcouuert, ſont des marques des trop violentes ardeurs de l’Eſté ; Car en ce temps-là l’on a de couſtume de s’habiller à la legere, afin de ſe raffraiſchir, & de n’eſtre ſi toſt laſſé.
Elle s’appuye, pource qu’elle a beſoin de ſouſtien, à cauſe qu’elle manque de forces : ce qui s’accomode fort bien à la langueur que nous deſcriuons, qui ne procede que de foibleſſe.
C’eſt auec raiſon encore, qu’elle vſe de l’Euentail, qui par l’agitation qu’il fait de l’air eſchauffe, en ſemble produire vn autre plus commode, & plus propre à rafraiſchir le corps humain.