Hypnérotomachie ou Discours du songe de Poliphile (éd. Jean Martin, 1546)

Pour les autres éditions de ce texte, voir Hypnerotomachia Poliphili.

Anonyme ou Francesco Colonna

Hypnérotomachie, ou Discours du songe de Poliphile, Deduisant comme Amour le combat a l’occasion de Polia

Traduction par Jean Martin.
Jacques Kerver, 1546.

Sommaire

Dédicace et introduction 

 i

Table des chapitres 

 v

Table des chapitres contenvz en ce

preſent uolume de Poliphile.

DV ſommeil qui print a Poliphile, & comme il luy ſembla en dormant qu’il eſtoit en un pays deſert, puis entroit en une foreſt obſcure. 

 Feuillet 1

Poliphile craignãt le peril de la foreſt, fit ſon oraiſon a Iupiter : puis en trouua l’yſſue, tout alteré de ſoif. Et ainſi qu’il ſe uouloit rafraichir en une fontaine, il ouyt un chant melodieux, pour lequel ſuyure abandonna l’eau preſte : dont il ſe trouua puis apres en plus grande angoiſſe que deuant. 

 2

Poliphile racompte comme il luy fut aduis en ſonge, qu’il dormoit, & en dormant ſe trouuoit en une uallee fermee d’une grand cloſture en forme de pyramide, ſur laquelle eſtoit aßis un Obeliſque de merueilleuſe haulteur, qu’il regarda ſongneuſement, & par grande admiration.. 

 3

Poliphile apres auoir declairé la forme de la pyramide, deſcrit au chapitre ſuiuant autres grandes & merueilleuſes œuures, a ſauoir un cheual, un Coloſſe couché, un Elephant, & ſingulierement une belle porte. 

 7

Comme Poliphile apres auoir monſtré les meſures & proportions de la porte, pourſuit a deſcrire les ornemens & excellente compoſition d’icelle. 

 14

Comme Poliphile entra un peu auant dedans la porte cy deſſus eſcrite, regardãt les beaux ornemens d’icelle : puis uoulant ſ’en retourner, ueit un grand Dragon qui le uouloit deuorer, pour crainte duquel il ſe mit a fuyr dedans les uoies creuſes & ſouterraines, ſi que finablement il trouua une autre yſſue, & peruint en un lieu fort plaiſant & delectable. 

 fo. 18

Poliphile racompte la beaulté de la region ou il eſtoit entré, & cõment il y trouua une belle fontaine, & cinq damoyſelles, leſquelles furent fort eſmerueillees de ſa uenue, & le conuierent d’aller a l’eſbat auec elles. 

 21

Comme apres que Poliphile ſe fut aſſeuré auec les cinq damoyſelles, il alla aux baingz auec elles : & comme il y eut grand riſee pour la fontaine, & pour l’oignement : puis comme il fut par elles mené deuant la Royne Eleutherilide : au palais de laquelle il ueit une autre belle fontaine, & pluſieurs choſes merueilleuſes. 

 25

Poliphile racompte l’excellence de la Royne, le lieu de ſa reſidẽce, auec ſon magnifique appareil, l’esbahiſſemẽt qu’elle eut de le uoir, le bon recueil qu’elle luy fit, enſemble le riche & ſumptueux banquet, & le lieu ou il fut preparé, qui n’a ny ſecond ny ſemblable. 

 31

Poliphile racompte le beau bal qui fut faict apres le grand banquet, & comme la Royne commanda a deux de ſes damoyſelles, qu’elles luy feiſſent veuoir plus amplement tout l’eſtat de ſon palais : außi comme il fut par elle inſtruict ſur aucuns doubtes qu’il auoit : puis mené aux trois portes eſquelles il entra, & demoura en celle du mylieu auec les damoyſelles amoureuſes. 

 39

Comme apres que Poliphile eut perdu de ueue les damoyſelles laſcives qui le delaiſſerent, uint a luy une Nymphe, la beaulté & parure de laquelle ſont icy amplement deſcrites. 

 49

Comme la belle Nymphe arriua deuers Poliphile portant un flambeau ardant en ſa main, & le conuia d’aller avec elle : puis comme il fut eſpris de ſon amour. 

 50

Comme Polia encor incongneue a ſon amy Poliphile, l’aſſeure doulcement, & luy monſtre les grans triumphes des deeſſes amoureuſes. 

 52

Comme Poliphile ueyt les quatre chariotz triumphans, accompagnez de grand multitude de ieunes hommes & de pucelles. 

 53

Comme Polia encores incongneue a Poliphile, luy monſtre les ieunes hommes & les pucelles qui aimerent au temps iadis, & en pareil furent aimees des dieux : puis luy feit ueoir les Poëtes chantans leurs poëſies immorteles. 

 63

Comme apres ce que la damoyſelle eut declairé a Poliphile le myſtere des triumphes, & les doulces amours des dieux, elle l’admoneſta d’aller plus auãt : ce qu’il ne refuſa : & y ueit pluſieurs ieunes nymphes paſſant le tẽps tout le lõg d’un ruyſſeau auec leurs fideles amiz : puis comme il ſe trouva eſpris de l’amour de la damoyſelle ſa guyde. 

 64

Comme la Nymphe conduit Poliphile en pluſieurs autres lieux, & luy fait ueoir le triumphe de Vertumnus & Pomona. puis le meine en un temple ſumptueux, lequel il deſcrit bien au long : & comme par l’exhortation de la Prieuſe, la Nymphe y eſtaignit ſon ſlambeau en tresgrande cerimonie, ſe donnant a cognoiſtre a Poliphile, & declairãt qu’elle eſtoit ſa Polia : & des ſacrifices qui ſ’y firent. 

 66

Comment Polia offrit les deux Tourterelles, & d’un petit ange lequel y arriua : parquoy la Prieuſe feit ſon oraiſon a la Deeſſe Venus : puis les roſes furent eſpandues, & deux Cygnes ſacrifiez : ſur la cendre deſquelz creut miraculeuſemẽt un Roſier plein de fleurs & de fruict, duquel Poliphile & Polia mengerent. Et comment apres le ſacrifice ilz prindrent congé de la Prieuſe : puis uindrent a un autre temple ruyné : la couſtume duquel Polia declaire a Poliphile, & le perſuade d’aller ueoir pluſieurs epitaphes & ſepultures qui là eſtoient : ce qu’il feuit, & en reuint tout eſpouenté. 

 79

Comme Polia perſuade a Poliphile d’aller au tẽple deſtruict, ueoir les epitaphes antiques, ou entre autres choſes il trouua en peincture le rauiſſement de Proſerpine : & comment en le regardant il eut peur d’auoir par ſemblable meſchef perdu ſ’amie : parquoy retourna tout eſpouenté. Apres uint deuers eulx le dieu d’amours, qui les feit entrer en ſa naſſelle : & de l’honneur que les dieux marins luy firent tant que dura ſon nauigage. 

 84

Comme les Nymphes uogantes en la barque de Cupido, commencerent a chanter, & Polia quant & quant elles. 

 104

Comment ilz arriuerẽt en l’iſle Cytheree : la beaulté de laquelle est icy deſcrite, enſemble la forme de leur barque : & comme au deſcendre uindrent au deuant d’eulx, pluſieurs Nymphes, pour faire honneur a Cupido leur maiſtre. 

 105

Comment Cupido deſcendit de la barque : & cõme les Nymphes de l’iſle uindrent audeuãt de luy richement atournees en paremens de triumphe : les preſens qu’elles luy offrirent : puis comme il monta en ſon chariot triumphant, pour aller au theatre, & feit mener apres lui Poliphile & Polia lyez et attachez, auec pluſieurs autres : & y eſt deſcrite la forme du theatre, tant du dehors que du dedans. 

 115

Poliphile deſcrit en ce chapitre le grand & merueilleux artifice de la fontaine de Venus, qui eſtoit au mylieu de l’amphitheatre. Et comme la cortine dont elle eſtoit cloſe, fut rompue : parquoy il ueit en maieſté la deeſſe, qui conſigna Polia a trois de ſes Nymphes, & Poliphile a trois autres. Puis comme ilz furent naurez par Cupido, et enroſez par ſa mere de l’eau de la fontaine. A la fin pour la uenue du dieu Mars comment ilz prindrent leur congé, & ſortirent de l’amphitheatre. 

 125

Poliphile racompte comme pour la uenue du grand dieu Mars, luy & Polia ſe partans du theatre, uindrent a une autre fontaine, ou les Nymphes leur declaireront les couſtumes et inſtitutions du ſepulchre d’Adonis, auquel la deeſſe Venus uenoit tous les ans celebrer l’an reuolu : & autres hiſtoires : puis requirent a Polia de leur dire ſon origine : & en quele maniere elle eſtoit deuenue amoureuſe.. 

 129

Fin du premier liure.

Table des chapitres

du ſecond liure.

Polia declaire de quele race elle eſt deſcendue, & comme la uille de Treuiz fut edifie par ſes anceſtres : puis en quele maniere Poliphile deuint amoureux d’elle. 

 133

Polia racompte comme elle fut frappee de la peſte : & eſtant en ce peril, ſe recommanda a la deeſſe Diane, faiſant uœu d’uſer le reſte de ſes iours en ſon ſervice. Et cõme par fortune Poliphile ſe trouua au tẽple le iour qu’elle faiſoit profeſſion : puis reuint le iour enſuivãt au meſme lieu, ou elle eſtoit ſeule a genoulx en faiſant ſes oraiſons, la ou il luy declara le martyre et tourmẽt amoureux q̃ pour elle il auoit ſouffert et enduré, ꝗ croiſſoit d’heure en heure : la ſuppliant de l’en uouloir alleger, dõt elle ne feit compte : parquoy cognoiſſant qu’en elle n’y trouuoit point de pitié, ſe paſma de dueil & angoiſſe, telement qu’il tumba mort a ſes piedz, dont elle ſ’en fuyt toute esfrayee. 

 135

Comment Polia recite la grand cruaulté dont elle uſa enuers Poliphile, & comme en ſ’enfuyant elle fut rauye & enleuee d’un tourbillon, & portee en une foreſt obſcure, ou elle ueit faire la iuſtice de deux damoyſelles, dont elle fut grandement eſpouventee : puis ſe retrouua au lieu d’ou elle eſtoit partie. Et comme apres en ſon dormant luy apparurent deux bourreaux uenuz pour la prẽdre : parquoy elle ſ’eſueilla en ſurſault, dõt ſa norrice qui eſtoit couchee auec elle, luy demanda la cauſe de ſa peur : & apres l’auoir entẽdue, luy donna conſeil de ce qu’elle deuoit faire. 

 138

Comme Polia recite en quele maniere ſa norrice par diuers exemples l’admoneſta d’euiter l’ire & les menaſſes des dieux. Et luy conſeilla de ſ’en aller deuers la Prieuſe du temple de Venus, pour eſtre inſtruicte de ce qu’elle auroit a faire. 

 140

Comme Polia par le bon conſeil & admoneſtement de ſa norrice changea d’opinion, & ſ’en alla trouuer Poliphile qui giſoit mort au temple de Diane, ou elle l’auoit laiſſé : & cõme il reſuſcita entre ſes braz : parquoy les Nymphes de Diane qui là ſuruindrent, & les ſurprindrent enſemble, les chaſſerent du ſainctuaire. Puis parle d’une uiſion qui luy apparut en ſa chambre. Et comme elle ſ’en alla au temple de Venus ou eſtoit ſon amy Poliphile. 

 143

Comment apres que Polia ſe fut accuſee deuant la Prieuſe du temple de Venus, des inhumanitez & rudeſſes dont elle auoit uſe enuers Poliphile, & declairé qu’elle eſtoit totalement deliberee de luy eſtre courtoiſe & gracieuſe pour l’aduenir, la Prieuſe le fit comparoir deuant elle : & adonc il requit que ſon plaiſir feuſt confermer & aſſeurer la bonne uolunté qu’ilz portoient l’un a l’autre. Puis comme Polia par impatience d’amour interrompit le diſcours de ſon amy. 

 147

Comment apres que Poliphile eut achevé ſon propos, Polia en la preſence de la Prieuſe luy declaira qu’elle eſtoit ardamment eſpriſe de ſon amour, & totalement diſpoſee a luy complaire : pour arres dequoy luy donna un baiſer : & des paroles que la Prieuſe leur dit. 

 148

Comme Poliphile obeiſſant au commandement de la Prieuſe, ſur le commencement de ſes amours loue la perſeuerance : & puis recite comme un iour de feſte il ueit Polia en un temple, ou il fut eſpris de ſon amour. & uoyant qu’il ne pouuoit parler a elle, luy eſcriuit une lettre, dont la teneur eſt declaree en ſon narré. 

 149

Comme Poliphile n’ayant moyen de parler a ſa dame, luy eſcrivit pour luy faire entendre ſon martyre, & le contenu de la lettre qu’il luy enuoya. 

 151

Comment Poliphile pourſuyt ſon hiſtoire, diſant que Polia ne feit cõpte de ſes deux lettres : parquoy luy enuoya la tierce, qui profita auſſi peu q̃ les autres : & a la fin ſe retira uers elle, qu’il treuua ſeule au temple de Diane, ou elle eſtoit en oraiſon : & en luy faiſant diſcours de ſon languir, mourut de deuil en ſa presence : puis quelque temps apres reſuſcita. 

 152

Comment l’ame de Poliphile luy racompte ce que luy eſtoit aduenu depuis le departement de ſon corps, & des accuſations qu’elle uoit propoſees deuant la deeſſe Venus a l’encontre de Cupido, & de la cruele Polia. 

 154

Comme Poliphile dit que quand ſon ame eut acheue de parler, il ſe trouua uiuant entre les braz de ſa mieux aimee Polia : & requiert la Prieuſe qu’elle ueuille confermer leur amitié. Puis Polia met fin au compte qu’elle uoit commencé devant les nymphes. 

 156

Comme Polia tout en un meſme temps acheua ſon compte, & le chapelet de fleurs qu’elle mit ſur la teſte de Poliphile. Puis comme les Nymphes qui l’auoient eſcoutee, retournerent a leurs esbatz, prenant congé des deux amans, leſquelz demeurerent ſeulz deuiſans ensemble de leurs amours. Sur quoy Poliphile ſ’eſueilla. 

 156

Comment Poliphile fait fin a son hypnerotomachie, ſe complaignant du ſonge qui fut ſi brief : & de ce que le Soleil ſe leua ſi toſt pour luy rompre ſon ſomme, comme ſ’il euſt eſté enuyeux de ſa felicité. 

 157

Fin des chapitres de Poliphile