Contes populaires d’Afrique (Basset)/166
166
PITI GARÇON ET GÉANTS[1]
n fois y avé di ti garçons qui té vive dans
ein lamaison avec fléve dréte derrière. Yé
parent té défendu yé couri au ras fléve,
mais ein jour yé chappé et yé prend ein nesquif
qui té dans fléve et yé commencé ramain, ramain,
mo créyé doite ramain des millions milles. Quand
lé soi rivé yé té bien pair et yé té pas connin ou
pou couri. Yé oua ein lumière loin, loin, et en
minme temps géants vini pou trappe yé. Yémonté
ou nabe, mais géants jisse soucouyé nabe la et
pove garçon yé tombé. Géants yé porté yé dans
yé la maison ou yé trouvé boucou lotte piti
garçon. Yé té dounin yé mangé dilaitte et digri
pou yé vini gros, et tous les jou yé tchui quéque
ti garçon pou géants mangé.
Pas loin la maison géant, yé té gagnin in vié fame qui té sorcière. Ein jour popa des ti garçon yé qui té chappé vini coté lamaison vie famé la avec dozamis et li mandé si li pas oua so garçon. Li réponde yé té dans lamaison a coté divant qui yé té gagnin ein caillou pas plis grand qu’ein piti canique. Nomme yé couri coté lamaison la mais yé trouvé que caillou la té tournin ein lapierre grand comme ein la montagne. Yé té gagnin boucou tracas pou oté lapierre la et ouvri la porte, mais yé entré dans lamaison la, yé tchué géants et yé raminnin piti garçon yé.
- ↑ Alcée Fortier, Louisiana Folk-tales, p. 82-85.