Agnès de Navarre-Champagne - Poésies, 1856.djvu/Le lay du Paradis d’amours
LAY DOU PARADIS D’AMOURS.
Amours, si plus ne demandoie (33),
Ne voloie,
Ou s’autre bien désiroie
Que la joie qui me vient
De toy, vers toy m’esprendroie
Et feroie
Ce que faire ne devroie,
Et ce qu’à moy n’appartient ;
Car il convient que je croie
Et ottroie
Qu’en ton dous paradis soie,
Quant de m’amour me souvient
Dont s’a mon veil le veoie
Plus aroie
Que souhaidier ne porroie
De quantques à joie convient.
Et vraiement je ne voy
Qu’autre paradis
— 40 —
Soit en l’amoureuse loy,
Fors d’estre toudis
Loiaus, joyeux et jolis,
Et que sans desroy
S’aiment amie et amis
Et en vraie foy (34).
Qu’amans, qui vit en ce ploy,
Est plus qu’assevis ;
Car tant de joye ha en soy,
Qu’en joie est ravis.
N’il ne li peut estre avis
Qu’amours face anoy,
Tant est liez ses esperis —
En ce point le croy.
Et pour ce veil loyaument
De cuer et joieusement
Amours servir
Tout mon temps, et moy tenir
Joliement,
Et le bel, le bon, le gent
Qu’aim et désir,
En foy de vrai sentement (35)
Toudis chérir.
Qui, sans vilain pensement,
M’ai m et sert si nettement,
Sans repentir,
Que ne vuet autre mérir
Fors seulement
— 41 —
Qu’aie honneur : là ses cuers tent,
Et si de désir,
Là sont mis tuit si plaisir
Entièrement.
Si suy de bonne heure née
Quant si bien suy assenée
Que j’aim et si suy amée
De fin cuer et vray,
Et d’amour pure et secrée,
Et d’ami qui renommée
Ha telle, qu’à tous agrée
Son faitis corps gay.
Quant je y pense à recelée,
Ma joie est renouvelée,
Et cent mille fois doublée
L’amour que li ay :
Et si suy énamourée
Que j’aim, moy et ma pensée,
Le lieu et l’eure et la journée
Que je l’enamay.
Car, certes, je ne croy mie
Qu’onques vie
Plus jolie,
Plus gaie, plus envoisie,
N’a tant de douçour,
Fust entre ami et amie,
Sans mais trie,
Ne qui fust si bien garnie
De parfaite amour.
— 42 —
N’a mains de merancolie ;
Car envie,
Jalousie,
N’iin seul ram de vilonnie
N’i a ? ne folour.
Ains est en tout estes lie ;
Tricherie
Y est bannie :
Car le bien amer r en vie
Chascun à son tour.
Si pert bien sa peinne
En moy qui se peinne,
Que sans pensée vilainne
N’aime mon ami
D’amour pure et sainne.
Car quant plus lontainne
Li suy, tant est plus prochainne
Sa bonté de mi.
N’est douceur humainne
Ne grâce mondainne,
Ne valeur tant souverainne
Qui ne soit en li :
Et si suy certainne
Qu’amours si nous mainne,
Qu’onques Paris et Hélainne
Ne s’amèrent si.
Si me doit plus que souffrire,
Quant je n’ay tristesse, n’ire
Ne doleur
— 43 —
Dont je me doie défrire
Ne riens qui ma joie empire
Ne m’onneur ;
Ainsois ay sans contredire
Tout ce que nies eu ers désire
Sans, labeur :
Ce fait amours, Diex li mire (36),
Qui m’a fait de tuit eslire
Le meilleur.
Si qu’à amour ne doy plus demander
Quant par li ay parfaite souffisance :
Ainsois la doy de tout mon sens loer
Et honourer de toute ma puissance,
Et com mon Diex servir et aourer,
Amer, chiérir et avoir en doubtance,
Et ses dous biens doucement savourer,
Par quoi toudis en aie remembrance.
Car qui vraiement saroit
Le parfait bien qu’on reçoit,
Et comment amours pourvoit
Les amans qu’elle conjoit
En son dous hommage,
S’amoureus esté n’avoit,
Sans doubte il le devenroit
Se malheureux n’estoit,
Et tantost se metteroit
En son franc servage.
Car qui vuet jugier à droit,
NuJz ni est qui frans ne soit ;
Et s’uns vilains y estoit,
— 44 —
Bonne amour li mueroit
En miex son corage »
Franchise rafranchiroit,
Loy vite l’enseigneroit,
Plaisance amer le feroit.
Et dons espoir le tenroit
Coint, apert et saige.
Et pour ce me sui je mise
En ceste noble franchise,
En espoir
De miex valoir ;
Mais à mon veil
Une gracieuse emprise
Fis, quant je m’i rendi prise ;
Car avoir
Nul autre avoir
Me qui ers, ne veil.
Douceur, pais, joie, cointise
Et tous biens de telle guise
Que veoir
Puis, et savoir
Sans nul orgueil,
Et quanque mes cuers devise
Y trais tout à ma devise —,
Et s’espoir
Miex recevoir
Que je ne sueil.
S’a moult douce nourriture
Qui vit de cette pasture,
— 45 —
Qu’amant qui en li figure
D’amour la droite figure,
Fuit et hait tous mauvais tours,
Péchié, vice, mespresure,
Et quanque touche à laidure :
C’est des loyaus la nature,
Par mon fait en suy seure,
Sans prueve guérir aillours.
Pour ce amours ha mis droiture
Franchise, loyauté pure,
Grâce, eure, pité, mesure
Moult mis par envoisure
En dous paradis d’amours.
Là n’ai je pensée obscure,
Trestece, mal ne pointure,
Ne chose qui me soit dure,
Et de l’autre m’asseure (37),
Quant je finiray mes jours.
Dont s’amours n’obéissoie,
Et n’oioie
Dévotement, et servoie
Qui en tel estât me tient,
Vraiement foie seroie
Qu’elle avoie
Mon cuer en si douce voie
Qu’adès plus jolie devient.
Et trop plus que ne soloie
Me resjoie :
— 46 —
Pour mon ami qu’en diroie ?
Il m’aime, obéist et crient 5
Il est miens et je suis soie :
C’est ma joie,
C’est ce qui plus me soustient.
Eoeplicit le Paradis d’amours.