« Cette belle ennemie et d’Amour et de moi »
(Redirigé depuis « Cette belle ennemie et d'Amour et de moi »)
« Cette belle ennemie et d’Amour et de moi »
Cléonice. Dernières Amours dans Desportes - Premières œuvres (éd. 1600), Mamert Patisson, (p. 123b).
- XVIII.
Ceſte belle ennemie & d’Amour & de moy,
Qui preſqu’en ſe iouant range tout en ſeruage,
Ha pour ſoldats choiſis, & pour riche equipage
L’honneur, la Chaſteté, la Conſtance, & la Foy :
Vn ſeul mauuais penſer n’a place aupres de ſoy,
La Vertu toute viue eſt peinte en ſon viſage :
Si bien que qui la voit leue au Ciel ſon courage,
Et des communs deſirs n’eſprouue point la loy.
Ses yeux ſont deux Soleils de beauté ſi parfaite,
Que d’Amour & de Mars la lance & la ſagete
N’ont point tant de pouuoir contre vne liberté :
La Grace & la Douceur ſont touſiours auec elle.
Ceſte belle Deeſſe, ah ! non ſeulement belle,
Ains Bellone & guerriere ainſi m’a ſurmonté.