dictionaryThresor de la langue françoise(1606)Jean Nicot1606C2Thresor de la langue francoyse - 1606 - 1 - Nicot.djvuThresor de la langue francoyse - 1606 - 1 - Nicot.djvu/1673
ZA
Agaye, f. penac. Est vne arme d’haste ou hante dont les Mores combattent à cheval, d’environ la longueur d’une picque, mais plus gresle, ferrée au bon bout d’un fer plus large et plus long que celuy de la picque, la brandissants et lançants de ject sur l’ennemi qu’ils poursuyvent, et pour ce faire se dressans tout debout sur leurs estriers de gynete, et la jettans en derriere de ject coulant en la main sans l’abbandonner contre les chevaux de ceux qui les poursuyvent, pour les en enferrer ou leurs chevaux, l’Espagnol dit Azagaya, comme aussi le François le doit escrire et prononcer, et Nebrisse la rend par Telum Punicum, Et la nomme par addition Azagaya Morisca, Hasta Africana, Aucuns estiment que Azagaya est comme haste gaye, c’est à dire arme de legere hante, mais ils s’abusent.
