Thresor de la langue françoise/Walons

Index Général A B C D E F G H I JK L M N O P Q R S T UV W X Y Z
◄  Vz
Waresq  ►

V V

Walons, m. acut. Au vieil langage du païs de Belges, les Belgiens s’appellent Walons, qui vaut autant à dire comme Gaulois, qu’on dit aussi galos, ou gualons à la difference des bas Allemans, & des François naturels estans deçà la riuiere de Seine, aussi vne partie de Brabant se nomme Walons Brabant, comme vne partie de Bretagne, Breton galô à la difference du bretonnant, Voyez Iean le Maire en ses Illustrations. Oudegherst au premier chap. de sa chronique de Flandres en parle vn peu differemment, disant, que le païs de Flandres est diuisé par la riuiere du lys en deux, & que ce qui est de çà laditte riuiere à la partie du Noort, se nomme Flandre flamengant à cause du langage qui y est vsité, & ce qui est delà le lys, tirant au Suut est appelé Flandre Gallicant, par ce que la langue Wallone, c’est à dire Françoise est en vsage.