Thresor de la langue françoise/Verglas
Verglas, m. acut. Est vn mot composé de verre, & glas, tous deux non entiers, & signifie cette glace tenuë & luysant comme verre, qui se fait ou du brouillas cheant, ou d’vne menuë pluye estraints en glace par la rigueur du froid, Vitrea glacies. Aussi tel verglas est luysant comme verre & vernis. Aucuns l’estiment composé de ces deux Latins, Viridis glacies, disans que le verglas tire sur le verd, là où l’autre glace est blanchastre, mais c’est abbus.
Verglacer, neutr. acut. Signifie se congréer verglas, c’est à dire, quand le brouillas ou menuë pluye qui sont cheuts s’estraignent par le grand froid en telle façon de glace vitrée, luysant & tenuë. Ainsi nous disons, Il verglace, c’est à dire, la menuë pluye ou brouillas, qui sont cheuts à terre, se tournent par la violence du froid en telle espece de glace que dit est, In glaciem vitream coguntur.