Thresor de la langue françoise/Tuile
Tuile f. pen. Vient de ce mot Latin Tegula, & se prend pour ce quarreau de terre cuite endenté au milieu de l'vn des bouts, troüé aux deux cornes d'iceluy mesme bout, dont en France on couure les maisons, que pour ce mytuyau aussi de pierre cuite, dont en quelques lieux de Normandie, & mainte part ailleurs on vse de couuerture pour les maisons, Later, voyez Brique.
Tuile creuse & ronde, Imbrex, huius imbricis.
Faire des tuiles, Ducere lateres.
En quelque chose que ce soit, representer la forme d'vne tuile creuse, Imbricare.
A la façon de tuiles creuses, Imbricatim.
Tuilerie, f. penac. Est l'ouuroir où la tuile est moulée, cuite & debitée, Lateraria officina Plin. lib. 7. cap. 56. Et est vn nom general à toute espece de terre cuite, Voyez Briquerie.
Tuilier, m. acut. Est celuy qui moule, cuit, & debite la tuile, & est vn mot general à toute espece de terre cuite, Laterarius, Laterunculorum opifex, Laterifex, voyez Briquerie.
Tuileries en pluriel, f. penacut. Est le nom d'vn palais somptueux & de haute entreprinse, que tres-haute & tres-vertueuse princesse Catherine de Medicis Royne doüairiere, & mere de trois Roys de France, & d'vne Royne d'Espagne, a fait esleuer au Fauxbourg sainct Honoré à Paris, sur le bord de la riuiere de Seine.